ශ්රී ලංකා ලොතරැයි ඉතිහාසයේ එක් පුද්ගලයෙකු දිනාගත් වැඩිම මුදල ජයග්රහණය කිරීමට ගිරාදුරුකෝට්ටේ ප්රදේශයේ පදිංචිකරුවෙකු සමත්ව තිබේ. ඒ අනුව සංවර්ධන ලොතරැයි මණ්ඩලය මගින් මෙහෙයවනු ලබන “කප්රුක” ලොතරැයියේ විශේෂ දිනුම් වාරයකදී මෙම දැවැන්ත වාසනාව ඔහු සතු වී ඇත.
මෙම වාසනාවන්ත ජයග්රාහකයාට හිමිව ඇති මුළු තෑගි මුදල රුපියල් 629,855,919.60 කි. එය සරලව පැවසුවහොත් රුපියල් කෝටි 62 ඉක්මවූ අතිවිශාල මුදලකි.
සංවර්ධන ලොතරැයි මණ්ඩලය නිල වශයෙන් නිවේදනය කරන්නේ ගිරාදුරුකෝට්ටේ ප්රදේශයේ අලෙවි නියෝජිත රත්නසිරි සොයිසා මහතා විසින් අලෙවි කරන ලද ලොතරැයි පතකට මෙම ප්රථම ත්යාගය හිමිව ඇති බවයි.
මෙම ජයග්රහණයත් සමඟ ශ්රී ලාංකීය ලොතරැයි ක්ෂේත්රයේ නව වාර්තාවක් පිහිටුවීමට කප්රුක ලොතරැයිය සමත්ව තිබේ.