අප්රේල් මාසයේ සිට අන්තර්ජාලයේ සේවා අංශය සඳහා එකතු කරන්නට යන සියයට 15ක බද්ද ක්රියාත්මක කරනු හැර වෙන විකල්පයක් නොමැති බව ජනමාධ්ය සහ සෞඛ්ය ඇමති නලින්ද ජයතිස්ස ප්රකාශ කළේය.
අන්තර්ජාලය හරහා සමාජ මාධ්ය හසුරුවමින් නොපෙනෙන ලෙස විශාල ඩොලර් ප්රමාණයක් ජාතික ආර්ථිකයට එක් කරන නිර්මාණශීලී තරුණයින්ගෙන් සමන්විත මෙම ක්ෂේත්රයට බදු පැනවීම නොව සිදුවිය යුත්තේ දිරිමත් කිරීමක් නොවේ දැයි ඊයේ කැබිනට් මාධ්ය හමුවේ දී ප්රශ්න කළ අවස්ථාවේ දී ඊට පිළිතුරු දුන් ඇමති නලින්ද ජයතිස්ස කීවේ එම බදු පැනවීම අත්හැරිය නොහැකි බවය.
“මගේ දැනුමේ හැටියට මීට වඩා ලොකු ටැක්ස් එකක් තමයි යෝජනා වෙලා තිබුණේ. නමුත් අපට මේ වෙලාවෙදි ඒක කරන්න සිද්ධ වෙනවා. එහෙම නැතිනම් මීට වඩා බරපතල බදුවලට යන්න වෙනවා.
ඔබ දන්නවා රාජ්ය ආදායම ඉහළ දමා ගැනීම සඳහා අපට ඉතා සීමිත බදු ප්රමාණයක් අයකරගන්න වෙන්නේ. ජනතාවට විශාල බරක් පටවන්නේ නැතිව. ”
“දැනටමත් පැටවිලා තියන බරෙන් විශාල ප්රමාණයක් අඩු කරන්න යන්නේ දැනට මට දෙන්න පුලුවන් උත්තරය ඒකයි. මම බලන්නම් ඊට වඩා යම් සහනයක් දෙන්න පුලුවන්ද කියන එක මුදල් අමාත්යාංශය පැත්තෙන්.”