ජ්යෙෂ්ඨ පුරවැසියන් සඳහා වන විශේෂ ස්ථාවර තැන්පතු යෝජනා ක්රම ක්රියාත්මක කිරීමට ජනාධිපති අනුර කුමාර දිසානායක මහතා මුදල්, ක්රම සම්පාදන සහ ආර්ථික සංවර්ධන ඇමැතිවරයා වශයෙන් කැබිනට් මණ්ඩලයට ඉදිරිපත් කළ යෝජනාවට පෙරේදා (16) රැස් වූ කැබිනට් රැස්වීමේ දී අනුමැතිය හිමිව තිබේ.
2025 වර්ෂය සඳහා වන අය-වැය කතාවෙහි යෝජිත පරිදි මේ අනුව රජය මෙම විශේෂ ස්ථාවර තැන්පතු ක්රමය ක්රියාත්මක කිරීමට තීරණය කර ඇත.
වයස අවුරුදු 60 හෝ ඊට වැඩි ශ්රී ලාංකික පුරවැසියන් විසින් 2025‑07‑01 දින සිට 2025‑12‑31 දින දක්වා වන කාලසීමාව තුළ විවෘත කරනු ලබන ස්ථාවර තැන්පතු සඳහා මෙම යෝජනා ක්රමය ක්රියාත්මක කිරීමට නියමිතය.
ස්ථාවර තැන්පතුවේ කාලසීමාව මාස 12ක් (වර්ෂයක්) වන අතර, උපරිම තැන්පතු වටිනාකම රුපියල් මිලියනයක් වේ.
බරිත සාමාන්ය ස්ථාවර තැන්පතු පොලී අනුපාතයට (AWFDR) අමතර වාර්ෂික 3%ක් එකතු කර ලැබෙන අගය හෝ අදාළ බැංකුවේ ප්රකාශිත ස්ථාවර තැන්පතු පොලී අනුපාතයට 3%ක් එකතු කර ලැබෙන අගය හෝ යන දෙකෙන් ඉහළ පොලී අනුපාතය ගෙවීමට යෝජිතය.
සමස්ත වැඩසටහන සඳහා පොලී සහනාධාර ගෙවීම පිණිස රුපියල් බිලියන 30ක ප්රතිපාදන වෙන් කිරීමටද ජනාධිපතිවරයා යෝජනා කර තිබේ.