කොළඹ මහාධිකරණය විසින් හිටපු ඉඩම් නිලධාරියෙකුට බරපතල වැඩ සහිත අවුරුදු 22ක සිර දඬුවමක් නියම කර තිබෙනවා. ඒ 2016 වසරේදී තඹුත්තේගම මහවැලි කලාපයේ ගස් කැපීම සඳහා බලපත්රයක් නිකුත් කිරීමට රුපියල් 100,000ක අල්ලසක් ලබාගැනීමේ චෝදනාවටයි.
තීන්දුව ප්රකාශයට පත් කරමින්, මහාධිකරණ විනිසුරු සුජීව නිශ්ශංක මහතා රුපියල් 30,000ක දඩයක් ද නියම කළ අතර, අල්ලස් පනත යටතේ අමතර දඬුවමක් ලෙස අල්ලස් මුදල අයකර ගැනීමට ද නියෝග කළා.
තවද, දඩ මුදල නොගෙවන්නේ නම්, අමතර වසරක සිර දඬුවමක් නියම කරන ලෙසද අධිකරණය නියෝග කළා.
අනුරාධපුරයේ පදිංචි 67 හැවිරිදි මෙම වරදකරුට, මොරටුවට ප්රවාහනය කිරීම සඳහා මිලදී ගත් ගස් කැපීමට බලපත්රයක් ඉල්ලා සිටි පැමිණිලිකරුට රුපියල් 100,000ක වන්දියක් ගෙවන ලෙසද නියෝග කෙරුණා.
අල්ලස් කොමිසමේ නිලධාරීන් විසින් 2016 මාර්තු 14 වැනි දින සිදුකළ මෙහෙයුමකදී මෙම චූදිතයා අත්අඩංගුවට ගෙන තිබුණා.