විදේශිකයන්ට තාවකාලික රියැදුරු බලපත්ර ලබාදීමට කටුනායක ගුවන්තොටුපොළ පරිශ්රයේ පසුගිය 03 වැනිදා ආරම්භ කළ කවුළුවෙන් විදේශිකයන් 120 දෙනෙක් පෙරේදා (05) වන විට රියැදුරු බලපත්ර ගෙන ඇතැයි මෝටර් රථ ප්රවාහන කොමසාරිස් ජනරාල් කමල් අමරසිංහ මහතා පවසයි.
මේ පිළිබඳව වැඩිදුරටත් අදහස් දැක්වූ ඒ මහතා මෙලෙස ද කීවේය.
“සංචාරක ප්රවර්ධනයට සහ සංචාරකයන් අපහසුතාවට පත්වීම වැළැක්වීමට වෙනත් රටවලත් මෙවැනි පහසුකම් ස්ථාපිත කර තිබෙනවා. ඒ වෙනුවෙන් කටුනායක ගුවන්තොටුපොළේ කවුළුවක් විවෘත කළා. එම සේවාව පැය 24 පුරාම විවෘතයි.
සමහර බලපත්ර ඉල්ලුවට අපට දෙන්න බෑ. විශේෂයෙන්ම ත්රීවීලර් සහ බර වාහන ධාවනයට අවසර දෙන්නේ නෑ. එවැනි ඉල්ලීම් ප්රතික්ෂේප කරනවා. විදේශිකයන්ගේ වීසා කාලය අනුව මාස දෙක සිට මාස පහ දක්වා වීසා බලපත්රයේ සහ රියැදුරු බලපත්රයේ වලංගුතාව මත තාවකාලික බලපත්රයක් දෙනවා. ඊට අමතරව අපි ස්ථීර බලපත්රයක් දෙනවා. ඒක අපි ගුවන්තොටුපොළේ සිදු කරන්නේ නෑ. සුපුරුදු පරිදි වේරහැර කාර්යාලයෙන් එය සිදු කරනවා. බර වාහන රියැදුරු බලපත්ර ගැනීමට විදේශිකයන්ගෙන් දැඩි ඉල්ලුමක් පවතිනවා. එම කවුළුවෙන් බර වාහන බලපත්ර නිකුත් කිරීමක් සිදු වන්නේ නෑ.”