බස්නාහිර පළාතේ සහ දඹුල්ලේ සිට අනුරාධපුරය දක්වා වන මාර්ග කොටසෙහි රථවාහන ස්ථානීය දඩ (Traffic Spot Fines) GovPay ඩිජිටල් ගෙවීම් වේදිකාව හරහා ගෙවීමෙන් මාස දෙකක් තුළ රුපියල් මිලියන 30කට ආසන්න මුදලක් උපයා ඇතැයි ප්රවාහන, මහාමාර්ග හා නාගරික සංවර්ධන අමාත්යාංශයේ ඩිජිටල් කටයුතු පිළිබඳ කාර්ය සාධක බලකායේ සභාපති හර්ෂ පුරසිංහ මහතා අද (දිනය) ප්රකාශ කළේය.
කුරුණෑගල සිට අනුරාධපුරය දක්වා සාර්ථක නියමු ව්යාපෘතියකින් පසුව, රථවාහන ස්ථානීය දඩ සඳහා GovPay ඩිජිටල් ගෙවීම් වේදිකාව 2025 අගෝස්තු මාසයේදී බස්නාහිර පළාතට හඳුන්වා දුන් බව ඒ මහතා මාධ්ය හමුවකදී පැවසීය.
මෙම කෙටි මාස දෙකක කාලය තුළ GovPay ඩිජිටල් වේදිකාව හරහා රථවාහන ස්ථානීය දඩ සඳහා ගනුදෙනු 20,000කට අධික සංඛ්යාවක් සිදුවී ඇති බව පුරසිංහ මහතා වැඩිදුරටත් සඳහන් කළේය.
තවද, රථවාහන ස්ථානීය දඩ සඳහා වන GovPay ඩිජිටල් ගෙවීම් වේදිකාව පසුගිය සිකුරාදා දකුණු පළාතට හඳුන්වා දුන් අතර, ඊළඟ පියවර ලෙස එය උතුරු පළාතට හඳුන්වා දීමට නියමිත බව ද ඒ මහතා කියා සිටියේය. “අපි බලාපොරොත්තු වෙනවා මේ වසර අවසන් වීමට පෙර සියලුම පළාත් ආවරණය කරන්න,” ඔහු වැඩිදුරටත් පැවසීය.