තම මාසික වැඩිහිටි දීමනාව ලබාගැනීම සඳහා ඉංගිරිය තැපැල් කාර්යාලය වෙත පැමිණි වැඩිහිටි පිරිස් වෙත ආහාර වේලක් ලබාදීමේ පුණ්ය කටයුත්තක් පෙරේදා (03) වාර්තා විය.
ඉංගිරිය පී.පී. ගමගේ සහ පී.එම්. නීතා දෙපළ විසින් සිදු කළ මෙම සද්කාර්යයේදී දෙසීයකට ආසන්න ජ්යෙෂ්ඨ පුරවැසියන් පිරිසක් හට මෙලෙස ආහාර වේලක් ලබාදීම සිදුවිණි. ඉංගිරිය ‘අත්වැල’ මිතුරු සමාජයේද සහයෝගය මේ සඳහා හිමිවූ අතර, තම වාරය පැමිණෙනතුරු උදෑසන සිට පෝලිමෙහි රැඳෙමින් අපහසුතා රැසක් මැද කල්ගෙවන වැඩිහිටියන් වෙනුවෙන් සිදු කළ මෙම දානමය පුණ්යකර්මය බොහෝ දෙනාගේ පැසසුමට ලක්විය.