ජනාධිපති අනුර කුමාර දිසානායකගේ ස්ථිර නායකත්වය යටතේ සහ ජාත්යන්තර ප්රජාවේ සාමූහික සහයෝගය ඇතිව, නිර්භීත ශ්රී ලාංකික ජනතාව නිසැකවම ව්යසනය ජයගනු ඇති බව චීනය පවසනවා.
මෙරට පිහිටි චීන තානාපති කාර්යාලය එක්ස් පණිවුඩයක් නිකුත් කරමින් මේ බව සඳහන් කරනවා.
මේ අතර ශ්රී ලංකාවේ චීන තානාපති කාර්යාලය නිවේදනය කළේ චීන රතු කුරුස සංගමය විසින් ශ්රී ලංකා රතු කුරුස සංගමයට හදිසි මුදල් ආධාර වශයෙන් ඇමරිකානු ඩොලර් 100,000 ක් ලබා දී ඇති බවයි.
සහන කටයුතු තවදුරටත් ශක්තිමත් කරමින්, ශ්රී ලංකාවේ චීන වාණිජ මණ්ඩලය සහ විදේශ චීන සංගමය, බලපෑමට ලක් වූ ප්රදේශවලට සහාය වීම සඳහා සාමූහිකව රුපියල් මිලියන 10ක් රැස් කරමින් පරිත්යාග ව්යාපාර දියත් කර තිබෙනවා.
ඊට අමතරව චීන රජයේ හදිසි ආධාර දැනටමත් ක්රියාත්මක වෙමින් පවතින බවයි තානාපති කාර්යාලය වැඩිදුරටත් පැවසුවේ.