හිටපු ජනාධිපති රනිල් වික්රමසිංහ මහතා යනු අන් අයට අභියෝග කරන්නෙකු නොව, තමන් වෙත පැමිණෙන ඕනෑම අභියෝගයක් නොපැකිළිව භාරගන්නා නායකයෙකු බව පූජ්ය මාරපන කේමානන්ද හිමියන් පවසති.
උන්වහන්සේ මේ බව අවධාරණය කළේ හිටපු ජනාධිපතිවරයා සහභාගී වූ ආගමික වැඩසටහනක් අමතමිනි. එහිදී රනිල් වික්රමසිංහ මහතාගේ ඉදිරි දේශපාලන භූමිකාව පිළිබඳවද උන්වහන්සේ සුවිශේෂී අනාවැකියක් පළ කළහ.
රනිල් වික්රමසිංහ මහතාගේ දේශපාලන පෞරුෂය අගය කරමින් කේමානන්ද හිමියන් මෙසේ සඳහන් කළහ:
“ඔබ අන් අයට අභියෝග කරන්නෙක් නෙවෙයි — ඔබ අභියෝග භාරගන්නා අයෙක්. ඒ සඳහා වැඩි කාලයක් ගත නොවනු ඇත. ඔබට නැවතත් මේ රටේ වගකීම භාර ගැනීමට සිදුවනු ඇත.”