ශ්රී ලංකාව සැබවින්ම ඉන්ද්රජාලික යැයි සේවා කාලය නිම කොට මෙරටින් නික්ම යන හිටපු අමෙරිකානු තානාපති ජුලී චංග් මහත්මිය සිය X ගිණුමේ සටහනක් තබමින් ප්රකාශ කර තිබේ.
ශ්රී ලංකාවේ තානාපතිනිය ලෙස සේවය කිරීමට අවස්ථාව ලැබීම තම ජීවිතයේ ලද ඉහළම ගෞරවයක් බවද ශ්රී ලාංකිකයන් අභියෝග මැද නොසැලී ඉදිරියට යන ජාතියක් බවද එහි සඳහන් කර ඇති ඇය, මේ සුන්දර දිවයිනේ ජනතාවට ස්තූති කරන බවද සඳහන් කර ඇත. වසර හතරකට ආසන්න කාලයකට පසු කොළඹින් පිටත්ව යෑමට නියමිත එක්සත් ජනපද තානාපතිනි ජුලී චැංග් මහත්මිය සිය X ගිණුමේ වැඩිදුරටත් පවසා ඇත්තේ ‘සිය ආදරණීය ශ්රී ලාංකික මිතුරන්ට සහ සගයන්ට ආයුබෝවන්’ යනුවෙනි. “අපි එකට කළ සෑම දෙයක්ම, ආරක්ෂාව සහ වරාය යටිතල පහසුකම් ශක්තිමත් කිරීමේ සිට ප්රධාන වැඩසටහන් සඳහා සහාය වීම දක්වා, ශ්රී ලංකාව සමඟ ශක්තිමත් හවුල්කාරිත්වයක් ගොඩනඟා ගනිමින් අමෙරිකානු අවශ්යතා ආරක්ෂා කිරීමට උපකාරී වී තිබෙනවා. ඉතින් මේ සුන්දර දිවයිනේ ජනතාවට, ස්තූතියි. ඔබේ කලාව, කතා, ඔරොත්තු දීමේ හැකියාව සහ ආත්මය සැමවිටම මා සමඟ පවතිනවා. මම සමුගන්නා විට, අප ඉටුකළ දේ ගැන ආඩම්බර වන අතර ඊළඟට එන දේ ගැන විශ්වාසයෙන් සිටිනවා. ශ්රී ලංකාව ගැන සැබවින්ම ඉන්ද්රජාලික දෙයක් තිබෙනවා. ස්තූතියි, ශ්රී ලංකාව”. යැයි සඳහන් කර තිබේ.