දිට්වා සුළි කුණාටුවෙන් පසු ප්රතිසංස්කරණ කටයුතුවලට සහාය වීම සඳහා තවත් බේලි පාලම් 10ක තොගයක් ශ්රී ලංකාවට දීමට ඉන්දියාව පියවර ගෙන තිබේ. එම පාලම් විශාකාපට්නම් සිට කොළඹ දක්වා ඉන්දියානු නාවික හමුදාවේ INS ගරියාල් නෞකාවෙන් ප්රවාහනය කරන බව ඉන්දීය විදේශ කටයුතු අමාත්යාංශයේ ප්රකාශක රන්ධීර් ජයිස්වාල් ප්රකාශ කරයි. සුළි කුණාටුවෙන් පසු යටිතල පහසුකම් හානි හේතුවෙන් ප්රවාහනය සහ ප්රවේශය අඩාල වී ඇති ප්රදේශවල තීරණාත්මක සම්බන්ධතාව යථා තත්වයට පත් කිරීම මේ යෙදවීමේ අරමුණ වෙයි. බේලි පාලම් සැපයීම විදේශ කටයුතු ඇමැති එස්. ජයිශංකර් මහතා මෑතක දී ශ්රී ලංකාවේ කළ සංචාරයේ දී ප්රකාශයට පත් කරන ලද අමෙරිකානු ඩොලර් මිලියන 450ක විශේෂ ආර්ථික පැකේජයේ කොටසකි.
සුළි කුණාටුවෙන් පසු ඉන්දියාව කලින් දුන් හදිසි මානුෂීය ආධාර සහ ආපදා සහන සහයෝගය මත මේ ආධාර තවදුරටත් ලැබෙන අතර, අසල්වැසියාට ඇති ඉන්දියාවේ කැපවීම නැවත අවධාරණය කරමින් නවදිල්ලිය එහි ප්රතිසාධන සහ ප්රතිසංස්කරණ කටයුතුවලදී ශ්රී ලංකාව සමඟ අඛණ්ඩව සිටින බව ද ජයිස්වාල් පෙන්වා දෙයි. ස්වාභාවික විපත් සහ යටිතල පහසුකම් නැවත ගොඩනැඟීමේ වැඩසටහන්වලදී ශ්රී ලංකාවට සහාය දැක්වීමේ ඉන්දියාවේ අඛණ්ඩ කාර්යභාරය නවතම නැව්ගත කිරීම මඟින් අවධාරණය කරයි.