ඊශ්රායල ගුවන් හමුදාවට අයත් F-35I “අදීර්” (Adir) වර්ගයේ ප්රහාරක යානයක් මගින් ඉරාන ගුවන් හමුදාවේ Yak-130 වර්ගයේ ප්රහාරක යානයක් අද (මාර්තු 04) තෙහෙරාන් අගනුවරට ඉහළ අහසේදී සාර්ථකව බිම හෙළා ඇති බව ඊශ්රායල ආරක්ෂක අංශ (IDF) තහවුරු කරයි. ලොව පස්වන පරම්පරාවේ ප්රහාරක යානයක් ලෙස සැලකෙන F-35 යානයක් මගින් මිනිසෙකු විසින් පදවනු ලබන (Manned) සතුරු ප්රහාරක යානයක් ගුවන් සටනකදී (Air-to-Air combat) විනාශ කළ ලොව පළමු අවස්ථාව ලෙස මෙය ඉතිහාසයට එක්වේ. රුසියානු තාක්ෂණයෙන් නිපදවා ඇති Yak-130 යානය සැහැල්ලු ප්රහාරක සහ පුහුණු මෙහෙයුම් සඳහා යොදාගන්නා අතර, එය ඊශ්රායල ඩ්රෝන යානා නිරීක්ෂණය කිරීමේ මෙහෙයුමක නිරතව සිටියදී මෙම ප්රහාරයට ලක්ව තිබේ.
මෙම සිදුවීම ඊශ්රායලය විසින් ඉරානය තුළ දියත් කර ඇති “ඔපරේෂන් රෝරිං ලයන්” (Operation Roaring Lion) මෙහෙයුමේ තීරණාත්මක සන්ධිස්ථානයක් ලෙස ආරක්ෂක විචාරකයෝ පෙන්වා දෙති. පසුගිය දින පහ පුරා ඉරානයට එල්ල වූ ප්රබල ප්රහාර මධ්යයේ වුවද ඉරාන ගුවන් හමුදාව සතු සීමිත හැකියාවන් ප්රදර්ශනය කිරීමට ගත් උත්සාහය මෙමගින් අඩපණ වී ඇති බව පෙනේ. ඊශ්රායල ආරක්ෂක අංශ පවසන්නේ තම F-35I යානයට කිසිදු හානියක් සිදුව නොමැති බවත්, ඉරාන ගුවන් සීමාව තුළ පූර්ණ ගුවන් ආධිපත්යය (Air Superiority) තහවුරු කර ගැනීමට තමන් සමත්ව ඇති බවත්ය. මෙම ඓතිහාසික ජයග්රහණයත් සමඟ මැදපෙරදිග ගුවන් යුද්ධයේ නව යුගයක් සනිටුහන් වී ඇති බව ජාත්යන්තර ආරක්ෂක වාර්තා පෙන්වා දෙයි.