බිලියන 3ක් වටිනා චීන NICOT සමාගමේ 10%ක හිමිකාරිත්වය නිෂ්ශංක සේනාධිපතිට — ජනාධිපති අනුර කුමාර දිසානායකගෙන් ප්රසිද්ධියේ සමාව ඉල්ලයි
සෙනසුරාදා රාත්රී 10.30ට විකාශය වූ සිරස TV Auto Vision වැඩසටහනේදී, ශ්රී ලංකාවේ ව්යාපාරික ක්ෂේත්රයට මෙන්ම දේශපාලනික වශයෙන්ද විශේෂ අවධානයක් දිනාගත් කරුණු රැසක් අනාවරණය වුණා.
ජනාධිපතිගෙන් ප්රසිද්ධියේ සමාව ඉල්ලයි
මැතිවරණ සමයේදී වත්මන් ජනාධිපති අනුර කුමාර දිසානායක මහතා සහ නිෂ්ශංක සේනාධිපති මහතා ගේන් වාක් ප්රහාර එල්ලකලා
“මම මගේ සල්ලි සතයට වියදම් කරනවා අනුර කුමාර 3% තියන්න”
මේය අදටත් ප්රසිද්ද කතාවක්.
නමුත් Auto Vision වැඩසටහනේදී නිෂ්ශංක සේනාධිපති ප්රසිද්ධියේ සඳහන් කළේ, ජනාධිපතිවරයාට නොකිය යුතු ප්රකාශයක් තමන්ගේ මුවින් පිටවූ බව තමන්ට පසුව අවබෝධ වූ බවයි.
තම පියාගෙන් ලැබුණු සාරධර්ම අනුව, එම ප්රකාශය සම්බන්ධයෙන් ජනාධිපතිවරයාගෙන් ප්රසිද්ධියේ සමාව ඉල්ලා සිටින බවද ඔහු සඳහන් කළා. ජනාධිපතිතුමා කියනවානම්
මාස 6ක් හිරෙ යන්නම් නඩු නැතුව.
NICOT වෙතින් 150cc සිට 350cc දක්වා නව යතුරුපැදි
වැඩසටහනේදී NICOT සමාගම විසින් නිෂ්පාදනය කරන Trail වර්ගයේ යතුරුපැදි රැසක්ද හඳුන්වා දෙනු ලැබුවා.
150cc, 200cc, 250cc, 300cc සහ 350cc එන්ජින් ධාරිතාවයන්ගෙන් යුත් යතුරුපැදි පිළිබඳව මෙහිදී අවධානය යොමු වුණා.
යුරෝපීය තත්ත්ව ප්රමිතීන්, ඉහළ වගකීම් සහ වසර 4 සහ වසර 5 දක්වා වගකීම් ලබාදෙන යතුරුපැදි පිළිබඳවද තොරතුරු ඉදිරිපත් වුණා.
NICOT සමාගමේ 10%ක කොටස් හිමිකාරිත්වයක්?
වැඩසටහනේ වඩාත්ම අවධානය දිනාගත් ප්රකාශයක් වූයේ නිෂ්ශංක සේනාධිපති මහතා තමන්ට NICOT සමාගමේ 10%ක කොටස් හිමිකාරිත්වයක් ඇති බව ප්රකාශ කිරීමයි.
මෙය සම්බන්ධයෙන් Auto Vision ඉදිරිපත් කළ සමීර විසින් NICOT සමාගමේ ප්රධානියාගෙන් සෘජුවම විමසා සිටියේ එම 10%ක හිමිකාරිත්වය නිෂ්ශංක සේනාධිපති මහතාට ලබාදී ඇති බව සත්යයක්ද යන්නයි.
එහිදී සමාගමේ ප්රධානියාගෙන් ලැබුණු ප්රතිචාරයද මෙම ප්රකාශය සම්බන්ධයෙන් විශේෂ අවධානයක් යොමු කළ කරුණක් වුණා.
චීන යුවාන් බිලියන 3ක සමාගමක්
වැඩසටහනේදී සඳහන් වූ පරිදි NICOT සමාගම චීන යුවාන් බිලියන 3ක පමණ වටිනාකමක් ඇති ප්රමුඛ යතුරුපැදි නිෂ්පාදන සමාගමක් ලෙස හඳුන්වා දෙනු ලැබුවා.
වසරකට විශාල යතුරුපැදි ප්රමාණයක් නිෂ්පාදනය කරමින්, යුරෝපය ඇතුළු ලෝකයේ රටවල් 50කට වැඩි ප්රමාණයකට සිය නිෂ්පාදන අලෙවි කරන සමාගමක් ලෙසද එය හඳුන්වා දෙනු ලැබුවා.
NICOT කර්මාන්තශාලාවේ ශ්රී ලංකා කොඩිය
NICOT සමාගමේ කර්මාන්තශාලා පරිශ්රයේ ශ්රී ලංකා ජාතික කොඩිය ඔසවා තැබීමටත්, ජාතික ගීය වාදනය කිරීමටත් සමාගමේ සභාපතිවරයා එකඟ වී ඇති බව නිෂ්ශංක සේනාධිපති මහතා මෙහිදී සඳහන් කළා.
චීනයේ පිහිටි ජාත්යන්තර සමාගමක කර්මාන්තශාලාවක් තුළ ශ්රී ලංකාවේ ජාතික අනන්යතාවය ප්රදර්ශනය කිරීමේ මෙම අදහසද වැඩසටහනේදී විශේෂ අවධානයක් දිනාගත් කරුණක් වුණා.
ශ්රී ලංකාවෙන් දකුණු ආසියාවට සහ අප්රිකාවට
NICOT යතුරුපැදි ශ්රී ලංකාව තුළට ගෙන ඒම පමණක් නොව, ශ්රී ලංකාව තුළ Value Added Services එකතු කරමින් ඉන්දියාව ඇතුළු දකුණු ආසියානු සහ අප්රිකානු වෙළෙඳපොළ වෙත යතුරුපැදි අපනයනය කිරීමේ සැලසුමක් පිළිබඳවද නිෂ්ශංක සේනාධිපති මහතා අදහස් පළ කළා.
දැනටමත් යතුරුපැදි 8,000ක් ශ්රී ලංකාවට ගෙන ඒමට කටයුතු කරමින් සිටින බවත්, ඉදිරියේදී ඒවා වැඩි වටිනාකමක් එකතු කර විදේශ වෙළෙඳපොළ වෙත අලෙවි කිරීම හරහා ශ්රී ලංකාවට විදේශ විනිමය උපයා දීම අරමුණ බවත් ඔහු සඳහන් කළා.
ව්යාපාරයෙන් එහාට ගිය විදේශ විනිමය ඉලක්කයක්
ශ්රී ලංකාව තුළ නිෂ්පාදන හා Value Added Services වර්ධනය කරමින් විදේශ වෙළෙඳපොළට අපනයනය කිරීම තුළින් රටට විදේශ විනිමය ගෙන ඒමත්, නව රැකියා අවස්ථා නිර්මාණය කිරීමත් මෙම ව්යාපෘතියේ අරමුණු ලෙස සඳහන් වුණා.
අවස්ථාව හඳුනාගෙන, එයට ගැළපෙන ආකාරයෙන් ජාත්යන්තර ව්යාපාරික සම්බන්ධතා ගොඩනැගීමේ හැකියාව මෙහිදී නැවතත් අවධානයට ලක් වුණා.