ශ්රී ලංකාවේ ඉදිරි බොර තෙල් අවශ්යතාව සපුරාලීමට බොර තෙල් (WTI) මෙට්රික් ටොන් 90,000ක් අමෙරිකාවෙන් මිලදී ගැනීමට ලංකා ඛනිජ තෙල් නීතිගත සංස්ථාව පියවර ගෙන ඇත.
ඒ අනුව එම බොරතෙල් තොගය මැයි මස අවසන් සතියේ දී මෙරටට පැමිණීමට නියමිත බව ලංකා ඛනිජ තෙල් නීතිගත සංස්ථාවේ සහ ඛනිජ තෙල් තොග පර්යන්ත සමාගමේ කළමනාකාර අධ්යක්ෂ ආචාර්ය මයුර නෙත්තිකුමාරගේ මහතා ප්රකාශ කළේය.
මෙරට ජනතාවගේ පරිභෝජනය සඳහා හිඟයකින් තොරව ඛනිජ තෙල් සැපයීම ශක්තිමත්ව සිදු කිරීමේ අරමුණින් මෙම මිලදී ගැනීම සඳහා වූ ගිවිසුම්ගතවීම සිදු කළ බව ද කළමනාකාර අධ්යක්ෂවරයා කීය.