ත්රිකුණාමලය දිස්ත්රික් මහ රෝහලට ඇතුළත් කර සිටි රක්ෂිත බන්ධනාගාරගත බළන්ගොඩ කස්සප හිමි වෛද්ය පරීක්ෂණවලින් පසු යළිත් ඊයේ (26) ත්රිකුණාමලය බන්ධනාගාරයට රැගෙනවිත් ඇත.
මේ වන විට උන්වහන්සේගේ සෞඛ්ය තත්වය යහපත් බව එම බන්ධනාගාර ආරංචි මාර්ග කියයි.
බළන්ගොඩ කස්සප හිමියන්ට පසුගියදා උණ රෝගය වැලඳී තිබූ අතර, ඊට අදාළ වෛද්ය පරීක්ෂණයක් සඳහා පසුගිය 24 වැනිදා රෝහල්ගත කර තිබිණි. බන්ධනාගාර රෝහල් වෛද්යවරයා විසින් බළන්ගොඩ කස්සප හිමියන් පරීක්ෂා කිරීමෙන් පසු දුන් වෛද්ය නිර්දේශ මත උන්වහන්සේ රුධිර සාම්පල පරීක්ෂාවක් සඳහා එලෙස ත්රිකුණාමලය දිස්ත්රික් මහ රෝහලට ඇතුළත් කෙරිණි.
ත්රිකුණාමලය සම්බුද්ධ ජයන්ති විහාරස්ථානයේ ඇති වූ ගැටලුකාරී සිද්ධිය සම්බන්ධයෙන් බළන්ගොඩ කස්සප හිමියන් ඇතුළු භික්ෂූන් වහන්සේ සිව් නමක් සහ තවත් සැකකරුවන් 05 දෙනකු පසුගියදා අත්අඩංගුවට ගත් අතර, එම පිරිස අධිකරණයට ඉදිරිපත් කිරීමෙන් පසු හෙට (28) දක්වා රක්ෂිත බන්ධනාගාරගත කිරීමට නියම කෙරිණි.