අඛණ්ඩව ඉන්ධන නිකුත් කිරීමට කටයුතු කරන බව ලංකා ඛනිජ තෙල් නීතිගත සංස්ථාවේ සභාපති ඩී.ජේ රාජකරුණා මහතා පවසයි.
ඔහු ප්රකාශ කළේ, හෙට (02) දිනයේදීත් සුපුරුදු පරිදි ඉන්ධන බෙදාහැරීම සිදු කරන බවය.
අද (01) නිවාඩු දිනයක් වූවත් සේවකයින්ගේ ශ්රම දායකත්වයෙන් ඉන්ධන බෙදාහැරීමට කටයුතු කළ බව ද සභාපතිවරයා කීය.
ඒ අනුව අද පස්වරු 5.00 වනවිට ඩීසල් ලීටර් 1,332,311ක් ද ඔක්ටේන් 92 වර්ගයේ පෙට්රල් ලීටර් 2,019,600ක් ද බෙදා හැර ඇති බව ඩී.ජේ රාජකරුණා මහතා ප්රකාශ කළේය.
එමෙන්ම නිවාසවල ඉන්ධන තොග රැස්කර තබාගැනීම නීතිවිරෝධී ක්රියාවක් බව හෙතෙම පෙන්වා දෙයි.
ඒ හේතුවෙන් ඔවුන්ට එරෙහිව නීතිය ක්රියාත්මක කරන ලෙසට පොලීසියෙන් ඉල්ලා ඇති බව සභාපතිවරයා වැඩිදුරටත් සඳහන් කළේය.