හලාවත, මාදම්පේ, ආරච්චිකට්ටුව පොලිස් බල ප්රදේශවල පාසල් ළමයින් ප්රවාහනය කරන බස් රථ, වෑන් රථ 54කින් බස් රථ හා වෑන් රථ 24කට තහනම් නියෝග නිකුත් කිරීමට ඊයේ (15) පියවර ගෙන ඇත. මාදම්පේ, මැදගම ප්රදේශයේදී මේ බස් රථ පරීක්ෂා කිරීම සිදු කර තිබේ. තිරිංග නියමිත පරිදි ක්රියාත්මක නොවීම, ගෙවී ගිය ටයර්, විදුලි සංඥා නිසි පරිදි නොමැති වීම, ආසන නිසි පරිදි නොතිබීම, සුක්කානමේ දෝෂ, අමතර කොටස් හා විදුලි පහන් ගැටලු ඇතුළු ගැටලු මේ වාහනවල තිබී ඇත.
මේ වාහනවල පවතින දෝෂ දින දහයකදී සාදා පෙන්වීමට නියෝග කළ බව මාදම්පේ පොලීසියේ රථවාහන අංශයේ ස්ථානාධිපති නිශාන්ත රෙජිනෝල්ඩ් මහතා පැවසීය. මේ වාහනවලින් ඉතා සුදුසු තත්ත්වයේ තිබී ඇත්තේ එක් වාහනයක් පමණක් බව ද වාර්තා වේ.