අද පස්වරුවේ හාලිඇළ සිදු වුණු නායයෑමෙන් මියගිය සංඛ්යාව ඉහළ ගොස් තිබෙනවා.
මේ දිනවල ඇදහැලෙන නොනවතින ධාරානිපාත වර්ෂාව හේතුවෙන් අද පස්වරු 5ට පමණ හාලිඇළ – උඩුවර ප්රදේශයේ නිවසක් මතට පස් කන්දක් කඩා වැටුණා.
එම අනතුරින් එකම පවුලේ තිදෙනෙකු පස් කන්දට යට වූ බවයි වාර්තා වූයේ.
කෙසේවෙතත් ක්ෂණිකව ක්රියාත්මක වූ ප්රදේශවාසීන් පස් කන්දට යට ව සිටි පිරිස බේරාගැනීමට මහත් පරිශ්රමයක් දැරුවා.
එලෙස මුදා ගත් නිවැසියන් රෝහල්ගත කිරීමට පියවර ගැනුණු අතර, රෝහල්ගත කරන අවස්ථාවේ දී ම, ඉන් එක් අයෙක් ජීවිතක්ෂයට පත් වූ බවයි වාර්තා වූයේ.
නමුත් සෙසු දෙදෙනාගේ තත්ත්වය ද බරපතළ බවට ද තොරතුරු දැනගන්නට ලැබුණා.
එසේ රෝහල්ගත කර ප්රතිකාර ලබමින් සිටි එම නිවසේ තවත් සාමාජිකයෙක් ද මීට ටික වේලාවකට පෙර මියගිය බවටයි අප ප්රාදේශීය වාර්තාකරු පැවසුවේ.
මෙලෙස මියගොස් ඇත්තේ එකම පවුලේ සහෝදරියන් දෙදෙනා වන අතර, ඔවුන් වයස අවුරුදු 21 සහ 23 වියෙහි පසුවනවා.
සිද්ධිය සම්බන්ධයෙන් විමර්ශන ක්රියාත්මකයි.
ඔබේ ප්රතිචාරය කුමක්ද ?