අමෙරිකාව මඟින් පනවා තිබූ තීරු බද්ද 30%ක් දක්වා අඩු කරගැනීමට ලැබීම තුළ යම්කිසි සාර්ථකත්වයක් තිබෙන බව සමගි ජන බලවේගයේ පාර්ලිමේන්තු මන්ත්රී ආචර්ය හර්ෂ ද සිල්වා මහතා පවසයි.
මේ අවස්ථාවේ අපි සිටින්නේ කන්ද මුදුනේ බවත් අවස්ථාවෙන් ප්රයෝජන ගෙන ට්රම්ප් ජනාධිපතිවරයාගේ කණ්ඩායම සමඟ මෙය තව දුරටත් පහත හෙළා ගැනීම සම්බන්ධයෙන් සාකච්ඡා ආරම්භ කරන ලෙස ජනාධිපතිවරයාගෙන් ඉල්ලා සිටින බවත් හෙතෙම කීවේය.
සජබ, ජාතික ජන බලවේගය, පොහොට්ටුව හෝ ලෙස නොව මෙය සියලු දෙනා දේශපාලනය පැත්තකට තබා රට වෙනුවෙන් ඉදිරියට පැමිණිය යුතු අවස්ථාවක් බව කී ඒ මහතා මේ ජයග්රහණය තව ඉදිරියට ගෙන යාමට කටයුතු කළ යුතු බවත් කීවේය.
අපිට පනවා තිබූ තීරු බද්ද 30% දක්වා අඩු කර ගැනීමට ලැබීම තුළ යම් සාර්ථකත්වයක් තිබෙනවා. අපි තරගකාරි වීමට නම් අප සමඟ තරග කරන අමෙරිකාවේ මාර්කට් එක ඒ ඒ රටවලට පනවා තිබෙන බද්ද ගැන බලන්න ඕනේ. වියට්නාමය ගත්තාම 20%ක බද්දක් පනවා තිබෙනවා. බංග්ලාදේශයට 25%යි. අපි මේ රටවල් දෙක සමඟ තරග කරන රටක් ලෙස තවත් මෙය අඩු කරගන්න ඕනේ. අපි දැන් ඉන්නේ කන්දක් මුදුනේ. කොයි පැත්තට වැටෙයිද දන්නේ නැහැ. ඒ නිසා ලැබුණු අවස්ථාවෙන් ප්රයෝජන ගෙන නැවත සාකච්ඡා ආරම්භ කරමු. අපි ඊට පුළුවන් උපරිම සහයෝගය ලබා දෙනවා යැයිද හෙතෙම කීවේය.