සෞඛ්‍ය ප්‍රතිපත්ති ආයතනය මාස් පතා නිකුත් කරන පක්ෂ නායකයන් සඳහා වූ ජනතා හිතකරත්ව සමීක්ෂණයේදී ජුලි මාසයට අදාළව ජාතික ජන බලවේගයේ නායක අනුර කුමාර දිසානායක මහතා වෙත ඇති ජනතා හිතකරත්වය විශාල ප්‍රමාණයකින් ඉහළ ගොස් ඇති බව එම ආයතනය පවසයි.
ඒ අනුව ඔහුට ඇති ජනතා හිතකරත්වය ජුනි මාසයට සාපෙක්ෂව ලකුණු 29කින් ඉහළ ගොස් එය ධන ලකුණු තුනක් බවට පත්ව තිබේ.
මේ අතර එහි තවත් කැපි පෙනන කරුණක් බවට පත්ව ඇත්තේ ස.ජ.බ. නායක සජිත් ප්‍රේමදාස මහතා අභිබවමින් ජනාධිපති රනිල් වික්‍රමසිංහ මහතාට ඇති ජනතා හිතකරත්වය ලකුණු ලකුණු 40කින් ඉහළ ගොස් එය සෘන ලකුණු – 24ක් බවට පත්ව තිබිමයි.
සජිත් ප්‍රේමදාස මහතාට ඇති ජනතා හිතකරත්වය ජුනි මාසයට සාපේක්ෂව ජුලි මාසයේදී ලකුණු දෙකකින් ඉහළ ගොස් අය සෘණ ලකුණු 42ක් බවට පත්ව තිබේ.
මේ අනුව ධනාත්මක ජනතා හිතකරත්වයක් ඇති එකම පක්ෂ නායකයා බවට අනුර කුමාර දිසානායක මහතා පත්ව තිබිම කැපී පෙනෙන කරුණකි.
