ඉන්දියාව සහ ශ්රී ලංකාව අතර ගොඩබිම් පාලමක් ස්ථාපිත කිරීම සඳහා ඒකාබද්ධ වැඩකටයුතු ආරම්භ කර ඇති බව ශ්රී ලංකාවේ ඉන්දීය මහ කොමසාරිස් සන්තෝෂ් ජා පවසා ඇත.
ඔහු ඒ බව පවසා ඇත්තේ, කොළඹ ටාජ් සමුද්රා හෝටලයේ පැවති සුප්රීම් ග්ලෝබල් හෝල්ඩිංග්ස් සමූහය විසින් සංවිධාන කරන ලද “රාමායණ මංපෙත – පූජනීය මෙහෙවර” ව්යාපෘතියේ නිල එළිදැක්වීමේ උත්සවයේදීය.
එම ගොඩබිම් පාලම දෙරට අතර සංචාරක ප්රවර්ධනයට ඉවහල් වන බව ද ඔහු පෙනවා දී ඇත.
දෙරට අතර ගොඩබිම් පාලම වර්තමාන තත්වයන් වෙනස් කරන්නකු වනු ඇති අතර, මෙම සම්බන්ධතාවයේ පෙළගැස්ම ඔස්සේ රටවල් දෙකට බොහෝ ප්රතිලාභ ගෙනදෙන බවත්, සංචාරක, ව්යාපාර පහසු කිරීම සහ දෙරටේම ප්රජාවට වඩාත් ආකර්ෂණීය වනු ඇතැයි ද ඔහු පෙන්වාදී තිබේ.
“ඒකාබද්ධ වැඩකටයුතු ආරම්භ කර ඇති ගොඩබිම් පාලම ස්ථාපිත කිරීමට අප දරන උත්සාහය, අපගේ රටවල් දෙක අතර සංචාරක ප්රවර්ධනය සඳහා අපගේ අඛණ්ඩ ප්රයත්නයන් තවදුරටත් පිරවීමට උපකාරී වේ. එය ක්රීඩාව වෙනස්කරන බවට සැකයක් නැත. ඇත්ත වශයෙන්ම, මෙම සම්බන්ධතාවයේ පෙළගැස්ම ඔස්සේ ජනතාවට බොහෝ ප්රතිලාභ ගෙනඑනු ඇත” යනුවෙන් ඉන්දීය මහ කොමසාරිස්වරයා එහිදී පවසා තිබේ.
“ඉන්දියාවේ සහ ශ්රී ලංකාවේ ශිෂ්ටාචාරමය පෞරාණිකත්වය සහ මිනිසුන් අතර ඇති ගැඹුරු සම්බන්ධය හා සහජීවනය “රාමායණ මංපෙත” ඔස්සේ සනාථ වන බව ද මම කිවයුතුය” ඔහු සඳහන් කර ඇත.
දෙරටේ මිනිසුන් අතර ගැඹුරු සම්බන්ධය සියවස් ගණනාවක් පුරාණයේ සිට දිවෙන බව ඔවුන් මෙහි පැමිණීමෙන් තහවුරු වන බව ද ඔහු පෙන්වා දී ඇත.
රාමායණ මංපෙත පිළිබඳ අදහස පෝක් සමුද්ර සන්ධිය දෙපස මිනිසුන්ගේ පරිකල්පනයට හසුවීම ගැන තමා සතුටු වන බව ද මෙරට ඉන්දිය මහකොමසාරිස්වරයා එහිදි වැඩිදුරටත් පවසා තිබේ.