උතුරු සහ නැඟෙනහිර පළාත්වලට විශාල අඩුපාඩුවක්ව පැවති ජාත්යන්තර මට්ටමේ ක්රිකට් ක්රීඩාංගණයක අඩුව සපුරාලමින් යාපනය මණ්ඩතිව් දූපතෙහි ඉදි කෙරෙන ‘යාපනය ජාත්යන්තර ක්රිකට් ක්රීඩාංගණයේ’ පළමු තරගය ලබන වසරේ ජනවාරි 14 වැනිදා පැවැත්වීමට ශ්රී ලංකා ක්රිකට් කටයුතු යොදා ඇත. එය පුහුණු තරගයක ස්වරූපයෙන් පැවැත්වීමට සැලසුම් කොට තිබේ.
මේ ක්රීඩාංගණයේ මුල්ගල් තැබීම ජනාධිපති අනුර කුමාර දිසානායක මහතාගේ ප්රධානත්වයෙන් පසුගියදා සිදු වූ අතර, එතැන් සිට ඉදිකිරීම් සිදු කෙරමින් පවතී.
අක්කර 48ක් පුරා විහිදෙන ක්රිකට් ක්රීඩාංගණයේ මධ්ය තණතීරු 10කින් සමන්විත වන අතර, එම තණතිලි විශේෂඥයන් පිරිසක් නවීන තාක්ෂණය යොදා සකස් කරමින් පවතී. තණතිල්ලේ සිට මීටර් 80ක් දක්වා හතරේ සීමාව ඇති අතර, දෙවැනි අදියර යටතේ ප්රධාන ප්රේක්ෂකාගාරය සහ මාධ්ය කුටිය ද, තෙවැනි අදියර යටතේ සෙසු ප්රේක්ෂකාගාර ඉදිකිරීමට නියමිතය.
ඉදිකිරීම් නිමවා අවසන් අදියරේදී විදුලි අලෝක පද්ධතිය ස්ථාපිත කිරීමට ද නියමිත අතර, දිගු කාලීන සැලැස්මක් යටතේ මණ්ඩතිව් දූපතේ අක්කර 138ක භූමි භාගයක නවීන පහසුකම්වලින් සමන්විත ‘ක්රීඩා නගරයක්’ ඉදි වේ.
යාපනය ක්රිකට් ක්රීඩාංගණයේදී ජාත්යන්තර මට්ටමේ දිවා – රාත්රී තරග පැවැත්වීමේ පහසුකම් සියල්ල සපිරෙන අතර, ශ්රී ලංකාවේ ඉදිවන ඒ ආකාරයේ පස්වැනි ක්රීඩාංගණය ලෙස ඉතිහාසයට එක් වේ.