ජොන්ස්ටන් ප්‍රනාන්දුගේ අල්ලස් නඩුව කඩිනමින් නඩු අහන්න වෙනම පිහිට වූ මහාධිකරණයට යොමු කරයි

හිටපු වෙළෙඳ ඇමැති ජොන්ස්ටන් ප්‍රනාන්දු ඇතුළු විත්ති­ක­රු­වන් තිදෙ­න­කුට එරෙ­හිව පවරා ඇති අල්ලස් නඩු 4ක් එකම අධි­ක­ර­ණ­යක විභා­ග­යට ගත නොහැකි බවට විත්තිය ඉදි­රි­පත් කළ මූලික විරෝ­ධ­තා­වක් කොළඹ මහා­ධි­ක­ර­ණය ඊයේ (22) ප්‍රති­ක්ෂේප කළේය.

ඒ අනුව සතොස සේව­ක­යන් සිය නිල රාජ­කා­රි­ව­ලින් බැහැ­රව දේශ­පා­ලන සහ පෞද්ග­ලික කට­යු­තු­වල යෙද­වී­මෙන් රජ­යට පාඩු කළ බවට චෝදනා කර පව­රන ලද නඩුවේ පැමි­ණිල්ලේ සාක්ෂි විම­සී­මට කොළඹ මහා­ධි­ක­රණ විනි­සුරු මොහො­මඩ් මිහාල් මහතා නියෝග කළේය.

අල්ලස් නඩු විශාල ප්‍රමා­ණ­යක් පව­තින බැවින් කඩි­න­මින් ඒවා විභාග කර අව­සන් කිරී­මට පසු­ගිය සැප්තැ­ම්බර් 22 වැනිදා සිට වෙනම මහා­ධි­ක­ර­ණ­යක් පිහි­ටු­වන ලදි. ඒ අනුව ජොන්ස්ටන් ප්‍රනා­න්දුට එරෙ­හිව පව­රන ලද අල්ලස් නඩු 4ක් එම අධි­ක­ර­ණ­යට යොමු කෙරිණි.

එයින් එක් නඩු­වක් ඊයේ (22) විභා­ග­යට ගත් අව­ස්ථාවේ ජනා­ධි­පති නීතිඥ සම්පත් මෙන්ඩිස් මහතා විත්තිය වෙනු­වෙන් මූලික විරෝ­ධ­තා­වක් දැක්වූ­යේය. මහා­ධි­ක­රණ විනි­සු­රු­ව­ර­යාගේ පළ­පු­රුද්ද, අප­ක්ෂ­පා­තී­ත්වය හෝ යුක්ති­ස­හ­ග­ත­භා­වය සම්බ­න්ධ­යෙන් විත්තිය ප්‍රශ්න නොක­රන බව කියා සිටි නීති­ඥ­ව­රයා, සාධා­රණ නඩු විභා­ග­යක් සඳහා වෙන් වෙන්ව අධි­ක­රණ 4ක නඩු සලකා බැලීම කළ යුතු බව කියා සිටි­යේය. එකම විනි­සු­රු­ව­ර­යකු ඉදි­රියේ නඩු කිහි­ප­යක් විභා­ග­යට ගන්නා විට චූදි­ත­ය­කුට සාධා­රණ නඩු විභා­ග­යක් පිළි­බඳ නීත්‍ය­නු­කූල අපේ­ක්ෂාව බිඳ­වැ­ටිය හැකි බව විත්තිය පෙන්වා දුන්නේය.

එම විරෝ­ධ­යට එරෙ­හිව නියෝජ්‍ය සොලි­සි­ටර් ජන­රාල් වසන්ත පෙරේරා මහතා නීති­ප­ති­ව­රයා වෙනු­වෙන් කරුණු දැක්වීම කළේය. විත්තිය මෙවැ­නිම ඉල්ලී­මක් විත්ති­ක­රුට එරෙ­හිව පව­රන ලද එච්සීබී 168/22 නඩු­වක් සම්බ­න්ධ­යෙන් කළ බව පෙන්වා දූන් පැමි­ණිල්ල එය මේ අධි­ක­රණ විසින්ම පසු­ගිය 16 වැනිදා ප්‍රති­ක්ෂේප කළ බව කියා සිටි­යේය. ඒ අනුව නියෝ­ගය මේ විරෝ­ධ­යට අදාළ කර­ගන්නා ලෙස ඉල්ලා සිටි­යේය. දෙපා­ර්ශ්වය ඉදි­රි­පත් කළ කරුණු සලකා බැලූ කොළඹ මහා­ධි­ක­රණ විනි­සුරු මොහො­මඩ් මිහාල් මහතා එම නඩු හතර සම­ගා­මීව වෙන් වෙන්ව පවත්වා ගෙන යෑමට තීර­ණය කළේය. සමූ­ප­කාර, අභ්‍ය­න්තර සහ වෙළෙඳ ඇමැ­ති­ව­රයා වශ­යෙන් කට­යුතු කර­මින් 2012දී සතොස ආය­ත­නයේ සේව­ක­යන් නිල රාජ­කා­රි­ව­ලින් බැහැ­රව දේශ­පා­ලන කට­යු­තු­වල යොදවා වැටුප් හා දීමනා ලෙස රුපි­යල් 86,47,224ක් ගෙවී­මෙන් රජ­යට පාඩු කළ බවට චෝදනා කර ජොන්ස්ටන් ප්‍රනාන්දු මහතා ඇතුළු තිදෙ­න­කුට එරෙ­හිව අල්ලස් කොමි­සම විසින් නඩු පවරා තිබේ. සමූ­ප­කාර, අභ්‍ය­න්තර සහ වෙළෙඳ හිටපු ඇමැති ජොන්ස්ටන් ප්‍රනා­න්දුට අම­ත­රව පී. එරාජ් ට්‍රියන්ත ප්‍රනාන්දු සහ කේ.එම්. මොහො­මඩ් ෂාකීර් මහ­ත්වරු මේ නඩුවේ සෙසු චූදි­තයෝ වෙති.