ඇමෙරිකානු සහ ඊශ්රායල ඒකාබද්ධ ගුවන් ප්රහාරවලින් ඉරානයේ හිටපු ජනාධිපති මහමුද් අහමදිනෙජාඩ් (Mahmoud Ahmadinejad) ඝාතනය වූ බවට පළවන වාර්තා පිළිබඳව පාර්ලිමේන්තු මන්ත්රී නාමල් රාජපක්ෂ මහතා සිය දැඩි කණගාටුව පළ කර තිබේ. ඔහු පවසන්නේ අහමදිනෙජාඩ් යනු ශ්රී ලංකාවේ සමීපතම මිතුරෙකු වූ බවයි.
හිටපු ජනාධිපතිවරයාගේ අභාවය පිළිබඳ පුවතෙන් තමා දැඩි කම්පනයට පත් වූ බව පැවසූ නාමල් රාජපක්ෂ මහතා, දෙරට අතර ද්විපාර්ශ්වික සබඳතා ශක්තිමත් කිරීමට ඔහු ඉටුකළ මෙහෙය සිහිපත් කළේය. විශේෂයෙන්ම 2008 වසරේ මහින්ද රාජපක්ෂ මහතාගේ ඇරයුමෙන් මෙරටට පැමිණි ඔහු, සපුගස්කන්ද තෙල් පිරිපහදුව නවීකරණයට සහ උමා ඔය බහුවිධ සංවර්ධන ව්යාපෘතිය ආරම්භ කිරීමට ලබාදුන් දායකත්වය මෙහිදී අගය කර ඇත.
ඉරානය සැමවිටම ශ්රී ලංකාවේ සැබෑ මිතුරෙකු වූ බවත්, මෙම දුෂ්කර අවස්ථාවේදී තමා ඉරාන ජනතාව සමඟ පෙනී සිටින බවත් මන්ත්රීවරයා අවධාරණය කළේය. යුද්ධය වෙනුවට සාකච්ඡා මාර්ගයෙන් ගැටලු විසඳා ගැනීමටත්, සියලු පාර්ශවයන් ඉවසීමෙන් කටයුතු කරන ලෙසත් ඔහු මෙහිදී ඉල්ලා සිටියේය.