වසර 2015 දී රසායනික පොහොර සංස්ථාවේ සේවය කරද්දී අරමුදල් අපයෝජනය කිරීම සම්බන්ධයෙන් තමන්ට එල්ල වී ඇති චෝදනා පිළිබඳව කරුණු දැක්වීමක් සිදු කිරීම සඳහා බලශක්ති අමාත්ය කුමාර ජයකොඩි මහතා, අල්ලස් හෝ දූෂණ චෝදනා විමර්ශන කොමිෂන් සභාවෙන් (CIABOC) අවසර ඉල්ලා ඇතැයි සන්ඩේ ටයිම්ස් වාර්තා කරයි.
ඒහි දැක්වෙන ආකාරයට අමාත්යවරයා විසින් මෙම ඉල්ලීම සිදුකර ඇත්තේ ජනාධිපති නීතිඥවරයෙකු මාර්ගයෙනි.
කෙසේ වෙතත්, කොමිෂන් සභාව විසින් ජයකොඩි මහතාට දැනුම් දී ඇත්තේ අවශ්ය නම්, ලිඛිතව තම නියෝජනය ඉදිරිපත් කළ හැකි බවයි.