ලාභ ලබන දිවයිනේ සියලුම ලංගම ඩිපෝවල සේවකයන්ට බෝනස් මුදලක් ලබා දීමටත් පාඩු ලබන ලංගම ඩිපෝවල සේවකයන්ට දීමනාවක් ලබා දීමටත් කැබිනට් අනුමැතිය ලබා ගැනීමට කටයුතු කරන බව ප්රවාහන නියෝජ්ය අමාත්ය ප්රසන්න ගුණසේන මහතා පැවැසීය.
නාවලපිටිය ලංගම ඩිපෝවේ නිරීක්ෂණ චාරිකාවකට එක් වෙමින් අමාත්යවරයා මේ බව සඳහන් කළේය. ලංගම සේවකයන්ට රජය විසින් ලබාදෙන බව පැවසූ බෝනස් මුදල නොලැබුණු බවට ඩිපෝ සේවකයන් නියෝජ්ය අමාත්යවරයා හමුවේ පැවසීමත් සමඟ ඇමැතිවරයා ඒ බව සඳහන් කළේය.
නාවලපිටිය ලංගම ඩිපෝවේ දැනට පවතින අඩුපාඩුකම් සපුරාලීමට කටයුතු කරන බවත්, එම අඩුපාඩුකම් සපුරාලීමෙන් අනතුරුව නාවලපිටිය ලංගම ඩිපෝවේ ආදායම් තත්ත්වය ඉහළ දැමීමට සේවකයන් කැපවීමෙන් කටයුතු කළ යුතු බවත් අමාත්යවරයා කියා සිටියේය. මහනුවර දිස්ත්රික් පාර්ලිමේන්තු මන්ත්රී තුෂාරි ජයසිංහ මහත්මිය ද මෙම අවස්ථාවට එක්වූවාය.