පසුගිය කාලයේදී අත්අඩංගුවට ගත් ඉෂාරා සෙව්වන්දි ඇතුළු සංවිධානාත්මක අපරාධකරුවන් සහ ඊට සම්බන්ධ පිරිසගෙන් සිදු කළ ප්රශ්න කිරීම් හමුවේ පාතාලය හා සම්බන්ධ දේශපාලකයන් ගැන තොරතුරු අනාවරණය වී ඇති බවත් ඒ සම්බන්ධයෙන් විමර්ශන ක්රියාත්මක බවත් මහජන ආරක්ෂක අමාත්ය ආනන්ද විජේපාල මහතා පාර්ලිමේන්තුවේදී ඊයේ (18) ප්රකාශ කළේය.
ඉෂාරා සෙව්වන්දි මෙරටට ගෙනැවිත් සිදුකළේ මොනවාදැයි ඇතැමුන් විමසන බවත් සිදුකරන ලද ප්රශ්න කිරීම් හමුවේ අනාවරණය වී ඇති තොරතුරු සම්බන්ධයෙන් ගැඹුරු විමර්ශනයක් සිදුකරන බවත් ඒ මහතා පැවසීය.
එමෙන්ම පසුගිය දිනවල අත්අඩංගුවට ගත් සංවිධානාත්මක අපරාධකරුවන්ට අමතරව තවත් සංවිධානාත්මක අපරාධකරුවන් 80කට රතු නිවේදන නිකුත් කර ඇති අතර, එම පිරිස අත්අඩංගුවට ගැනීම සඳහා ජාත්යන්තර පොලීසිය සමඟ එක්ව කටයුතු කරමින් සිටින බව ද අමාත්යවරයා පැවසීය.
මහජන ආරක්ෂක හා පාර්ලිමේන්තු කටයුතු පිළිබඳ අමාත්ය ආනන්ද විජේපාල මහතා මේ බව සඳහන් කළේ එම අමාත්යාංශය පිළිබඳ අය – වැය කාරක සභා අවස්ථාවේ විවාදයට ඊයේ (18) එක්වෙමිනි.
එහිදී වැඩිදුරටත් අදහස් දැක්වූ අමාත්ය ආනන්ද විජේපාල මහතා සඳහන් කළේ ඉන්දුනීසියාවේදී අත්අඩංගුවට ගත් සංවිධානාත්මක අපරාධකරුවන් පිරිසගෙන් සිදු කළ ප්රශ්න කිරීම්වලින් අගෝස්තු 30 වැනිදායින් පසුව ටී 56 ගිනිඅවි 07ක්, ටී 81 ගිනිඅවි එකක්, පිස්තෝල 06ක්, රිවෝල්වර 09ක්, වෙනත් අවි දෙකක් සහ උණ්ඩ 909ක් ද සොයාගත් බවයි.