වැටුප් සංශෝධන හරහා ගුරු සහ විදුහල්පති වෘත්තීන් රාජ්ය සේවයේ ඉහළම වැටුප් තල කරා රැගෙන යෑමට පියවර ගෙන ඇති බව ගුරු සේවා සංගමය පෙන්වා දෙයි.
මෙරට අධ්යාපන ක්ෂේත්රයේ ප්රධාන නියමුවන් වන ගුරුවරුන්ගේ වැටුප් ඉහළ නැංවීමෙන් ඔවුන්ගේ ආර්ථිකය ශක්තිමත් වනවා සේම, එමඟින් අධ්යාපන ක්ෂේත්රයේ ඵලදායීතාව නිරායාසයෙන්ම ඉහළ යන බව ගුරුසේවා සංගමයේ සභාපති ධම්මික අලහප්පෙරුම මහතා පවසයි.
සභාපතිවරයා මෙම අදහස් පළ කළේ ඊයේ (21) පැවැති විශේෂ මාධ්ය හමුවකට එක්වෙමිනි.
මෙම වැටුප් සංශෝධනය යටතේ ගුරු සේවයේ විවිධ ශ්රේණි සඳහා 2026 ජනවාරි මාසය වන විට සැලකිය යුතු වැටුප් වර්ධනයක් සිදුකිරීමට නියමිතය. ඒ අනුව, ගුරු සේවයේ පළමු පන්තියේ ගුරුවරයකු මීට පෙර ලබාගත් වැටුප 2026 ජනවාරි මාසය වන විට රුපියල් 88,332 දක්වා ඉහළ යන අතර, එය රුපියල් 31,562ක මූලික වැටුප් වැඩිවීමක් වන අතර මෙය සමස්තයක් ලෙස 155%ක වැටුප් වැඩිවීමක් බව ද ධම්මික අලහප්පරෙුම මහතා පෙන්වා දුන්නේය.
අනෙකුත් ශ්රේණි සඳහා සිදු වන වැටුප් වැඩිවීම් පිළිබඳව ද එහිදී කරුණු අනාවරණය වූ අතර, I ශ්රේණියේ ගුරුවරයකුගේ වැටුප රුපියල් 47,175 සිට 74,131 දක්වා (රුපියල් 26,706ක වැඩි වීමක්) ඉහළ යනු ඇත.
II ශ්රේණියේ ගුරුවරයකුගේ වැටුප රුපියල් 39,175 සිට 61,559 දක්වා (රුපියල් 22,384ක වැඩි වීමක්) සංශෝධනය වේ. III ශ්රේණියේ උපාධිධාරී ගුරුවරයකුගේ ආරම්භක වැටුප රුපියල් 37,835 සිට 59,504 දක්වා රුපියල් 21,669කින් ඉහළ යනු ඇත. විද්යාපීඨ ගුරුවරයකුගේ ආරම්භක වැටුප රුපියල් 36,260 සිට 57,119 දක්වා රුපියල් 20,859කින් ඉහළ නැංවීමට කටයුතු යොදා ඇත.
මෙම වැටුප් සංශෝධන හරහා ගුරු සහ විදුහල්පති වෘත්තීන් රාජ්ය සේවයේ ඉහළම වැටුප් තල කරා රැගෙන යෑමට පියවර ගෙන ඇති බව ගුරු සේවා සංගමය පෙන්වා දෙයි. දක්ෂ උපාධිධාරීන් අධ්යාපන ක්ෂේත්රය වෙත ආකර්ෂණය කරගනිමින් රටට දියුණු අධ්යාපන ක්රමයක් සකස් කිරීම මෙහි මූලික අරමුණයි.
ගුරුවරයා ආර්ථික හා වෘත්තීය වශයෙන් බලගැන්වීම රටේ අනාගතය සුරක්ෂිත කිරීමට දායක වන බවත්, මේ සම්බන්ධයෙන් රජය සමඟ එක්ව කටයුතු කිරීමට තමන් සූදානම් බවත් ගුරුසේවා සංගමයේ සභාපති ධම්මික අලහප්පෙරුම මහතා වැඩිදුරටත් සඳහන් කළේය.