බම්බලපිටිය දුම්රිය ස්ථානයේ ඊයේ (29) පෙරවරුවේ පැය තුනක කාලයක් තුළ සිදු කළ ප්රවේශපත්ර පරීක්ෂාවක දී කිසිදු ප්රවේශපත්රයක් නොමැතිව දුම්රියේ ගමන් කළ මගීන් 40 දෙනකු අත්අඩංගුවට ගත් බව දුම්රිය ආරක්ෂක අංශය සඳහන් කළේය.
මෙසේ අත්අඩංගුවට ගත් මඟීන් අතර කාන්තාවන් 23 දෙනෙක් සිට ඇත.
මෙම පරීක්ෂාව දුටු ඇතැම් මගීන් දුම්රිය නතර කිරීමටත් පෙර දුම්රියෙන් බැස පැන දිවූ බව දුම්රිය ආරක්ෂක අංශයේ නිලධාරියෙක් සඳහන් කළේය.
ඊයේ පෙරවරු 6.00 සිට 9.00 දක්වා පැය තුනක කාලයක් මෙම ප්රවේශපත්ර පරීක්ෂාව සිදුකොට ඇත.
මෙහිදී අත්අඩංගුවට ගත් මගීන්ගෙන් 30 දෙනකුගෙන් ඒ මොහොතේම රුපියල් 91200/දඩ මුදලක් අයකර ගැනීමට දුම්රිය ආරක්ෂක නිලධාරීන් සමත්වී ඇත.
සෙසු මගීන් ඒ මොහොතේ දඩ මුදල් ගෙවීමට මුදල් නොමැති බැවින් ඇපකර තබා ගොස් තිබිණ.