පසුගියදා ශ්රී ලංකාවට දකුණු දෙසින් වූ මුහුදේදී ඇමෙරිකානු ප්රහාරයකින් ගිලී ගිය IRIS Dena නෞකාවේ දිවි ගලවා ගත් නාවිකයන් සහ දැනට ශ්රී ලංකා භාරයේ පසුවන IRIS Bushehr නෞකාවේ කාර්ය මණ්ඩලය නැවත ඉරානයට භාර නොදෙන ලෙස ඇමෙරිකා එක්සත් ජනපදය ශ්රී ලංකා රජයෙන් ඉල්ලා තිබේ.
මාර්තු 6 වන දිනැති ඇමෙරිකානු රාජ්ය දෙපාර්තමේන්තුවේ රහසිගත කේබල් පණිවිඩයක් (Internal Cable) උපුටා දක්වමින් රොයිටර් පුවත් සේවය මේ බව අනාවරණය කර ඇත. කොළඹ පිහිටි ඇමෙරිකානු තානාපති කාර්යාලය හරහා ශ්රී ලංකා බලධාරීන් වෙත මෙම දැනුම් දීම සිදු කර ඇති බව එම වාර්තාවල සඳහන් වේ.