විද්‍යුත් වීසා නිකුත් කිරීම විදේශීය සමාගමකට පවරාදීම ජාතික ආරක්ෂාවට තර්ජනයක් බවත්, ඊට අමතරව, එය, සංචාරක ව්‍යාපාරයට දැඩිව බලපා ඇති බවද පවසමින් පාටලී චම්පික රණවක සහ එම්.ඒ සුමන්තිරන් ගොනු කර තිබෙන මූලික අයිතිවාසිකම් පෙත්සම විභාගයට ගත් ශ්‍රේෂ්ඨාධිකරණය, අගෝස්තු දෙවන දා අධිකරණය හමුවේ පෙනී සිටින ලෙස පෙත්සමේ වග උත්තරකරුවන් වෙත සිතාසි නිකුත් කර තිබේ.
මෙම පෙත්සමේ වගඋත්තරකරුවන් ලෙස නම් කර තිබෙන්නේ අග්‍රාමාත්‍යවරයා ප්‍රමුඛ කැබිනට් මණ්ඩලයයි.
මෙහිදී විද්‍යුත් වීසා නිකුත් කිරීම විදේශීය සමාගමකට පවරාදීමට සෘජුව මැදිහත් වූ අමාත්‍යවරු වෙත වෙනම සිතාසි භාර දී ඇති අතර, අනෙකුත් අමාත්‍යවරු වෙනුවෙන් කැබිනට් මණ්ඩල ලේකම්වරයාට සිතාසි භාර දී ඇති බව වාර්තා වේ.