මූල්‍ය අර්බුධයකට සහ ණය අර්බුධයකට මුහුණ පා සිටින පකිස්තානය ජූලි මාසයේදී ජාත්‍යන්තර මූල්‍ය අරමුදලෙන් (IMF) නව ඩොලර් බිලියන 7 (යුරෝ බිලියන 6.5) ඇපදීමේ පැකේජයක් ලබා ගැනීමෙන් පසුව, ඉස්ලාමාබාද් ආර්ථික ප්‍රතිසංස්කරණ ක්‍රියාත්මක කිරීමට උත්සාහ කරන විට චීනයේ බිලියන ගණනක නය ප්‍රතිනිර්මාණය කිරීම පිළිබඳව ද සාකච්ඡා ආරම්භ කර ඇතැයි වාර්තා වනවා.
විදේශ විනිමය සංචිත ක්ෂය වීම හේතුවෙන් ඩොලර් බිලියන 4 ක මුදල් ණය පහසුකමේ කාලසීමාව දීර්ඝ කිරීමත් සමඟ චීනයට අවම වශයෙන් ඩොලර් බිලියන 16 ක බලශක්ති අංශයේ ණය ප්‍රමාද කිරීමේ යෝජනාවක් පකිස්තානය ඉදිරිපත් කර ඇති බවයි පැවසෙන්නේ.
පසුගිය සතියේ පකිස්තාන මුදල් ඇමති මුහම්මද් අවුරංසෙබ් චීනයේ සංචාරයක නිරත වුණා.
ඔහුගේ සංචාරයේ අරමුණ ඩොලර් බිලියන ගණනක පකිස්තාන – චීන ආර්ථික කොරිඩෝව (CPEC) යටතේ චීන සමාගම් විසින් ඉදිකරන ලද බලාගාර නවයක් සඳහා ණය කල්පිරීමේ කාලය දීර්ඝ කිරීමේ යෝජනා ඉදිරිපත් කිරීමයි.
සිකුරාදා, අගමැති ෂෙහ්බාස් ෂරීෆ් ෆෙඩරල් කැබිනට් රැස්වීමකදී කියා සිටියේ ණය සහනයක් ඉල්ලා චීන රජයට ලිපියක් ලියා ඇති බවයි.
ණය ප්‍රතිව්‍යුහගත කිරීමට වඩා වෙනස් වන්නේ ප්‍රමාණය කපා නොදැමීම, ඒ වෙනුවට, ආපසු ගෙවීම සඳහා නියමිත දිනය දීර්ඝ කිරීම ය.
විදුලි මිල පහත හෙලීම සඳහා බලශක්ති නිෂ්පාදකයින්, මූලික වශයෙන් චීන සමාගම් සමඟ මිල අධික ගිවිසුම් නැවත සාකච්ඡා කිරීම සම්බන්ධයෙන් ද පකිස්තානය පීඩනයකට ලක්ව සිටී.
CPEC 2015 දී අත්සන් කරන ලද අතර චීනයේ තීරය සහ මාර්ග මුලපිරීමේ (BRI) විශාලතම සංරචකයක් බවට පත් වූ දා සිට, චීනය පකිස්ථානයේ යටිතල පහසුකම් සංවර්ධනය කිරීම සඳහා ඩොලර් බිලියන ගණනක් වැය කර තිබෙනවා.
CPEC ව්‍යාපෘතිවල වටිනාකම ඩොලර් බිලියන 65 ක් වන අතර, අරාබි මුහුදේ ග්වාදාර් වරායේ සිට කඳු මායිම හරහා චීනයේ ෂින්ජියැන්ග් කලාපයට චීන භාණ්ඩ සඳහා නැව් සම්බන්ධතාවයක් ගොඩනැගීම එයි මූලික ඉලක්කය වේ.