ශ්‍රී ලංකාවේ පිළිකාවට එරෙහි සටනේ වැදගත් සන්ධිස්ථානයක් සනිටුහන් කරමින් අනුරාධපුර, කුරුණෑගල, බදුල්ල, හම්බන්තොට සහ රත්නපුර යන රෝහල්වලට උසස් විකිරණ චිකිත්සක උපකරණ ගෙන ඒමේ දෙවන අදියර ආරම්භ කර තිබෙනවා. ඒ සඳහා වන ගිවිසුම් අත්සන් කිරීම අද (20) සෞඛ්‍ය අමාත්‍යංශයේදී සිදු වුණා.
ඒ අනුව නුදුරේදීම පිළිකා රෝගීන්ට නිවෙසට සමීප රෝහලකදී පිළිකා සඳහා වන විකිරණ ප්‍රතිකාර ලබා ගැනීමේ හැකියාව ලැබිමට නියමිතයි. ඒ මඟින් රෝගියා මෙන්ම ඔවුන්ගේ පවුලේ සියලු දෙනාට ඇතිවන අපහසුතාවයන් අවම කිරීම ආණ්ඩුවේ අපේක්ෂාව වී තිබෙනවා.