ජාතික ආපදාවේදී අපේ රටට සහාය දැක්වූ විදෙස් යුද නෞකා­ව­ලට ප්‍රණා­මය පිරි­නමයි

ජාතික ආපදා තත්ත්වය හමුවේ සහාය දැක්වූ විදේ­ශීය යුද නෞකා වෙත ප්‍රණා­මය පිරි­නැ­මීමේ උත්ස­ව­යක් නාවික හමු­දා­වෙන් ගාලු මුව­දො­රට ඔබ්බෙන් වූ බට­හිර මුහු‍දේදී අග­මැති ආචාර්ය හරිනි අම­ර­සූ­රිය මෙණෙ­වි­යගේ සහ­භා­ගි­ත්ව­යෙන් පසු­ගි­යදා පැවැ­ත්විණි.

යුද නෞකා වෙතින් පිරි­න­මන ලද සාම්ප්‍ර­දා­යික යුද නෞකා ආචා­රය පිළි­ගැ­නීම, ශ්‍රී ලංකා නාවික ගජ­බාහු නෞකා­වේදී සිදු කෙරිණි.

ශ්‍රී ලංකා නාවික හමු­දාවේ 75 වැනි සංව­ත්ස­ර­යට සම­ගා­මීව පැවති ජාත්‍ය­න්තර යුද නෞකා නිරී­ක්‍ෂ­ණය වෙනු­වෙන් මෙර­ටට පැමිණි විදේ­ශීය යුද නෞකා දිට්වා සුළි කුණා­ටුව හේතු­වෙන් මෙර­ටට ඇතිවූ ජාතික ආපදා අව­ස්ථා­වේදී මානු­ෂීය ආධාර සහ ආපදා සහන මෙහෙ­යු­ම්ව­ලට එක්විය.

ÒSailing Strong-TogetherÓ ඒකා­බද්ධ වීමෙන් සුර­ක්ෂිත තිර­සර සාගර කලා­ප­යක් යන තේමාව යටතේ සංවි­ධාන කෙරුණු මේ සාම්ප්‍ර­දා­යික යුද නෞකා නිරී­ක්ෂ­ණ­යට සහ­භාගි වීමට බංග්ලා­දේශ නාවික හමු­දාවේ ‘PROTTOY’ යුද නෞකාව, ඉන්දීය නාවික හමු­දාවේ INS VIKRANT ගුවන් යානා ප්‍රවා­හන නෞකාව හා INS UDAYAGIRI යුද නෞකාව, ඉරා­නය නියෝ­ජ­නය කර­මින් IRIS NAGHDI යුද නෞකාව, මාල­දි­ව­යින් වෙර­ළා­ර­ක්‍ෂක බළ­කායේ ‘CGS HURAVEE වෙර­ළා­ර­ක්ෂක නෞකාව, මැලේ­සි­යානු නාවික හමු­දාවේ ‘KD TERENGGANU යුද නෞකාව, පාකි­ස්තානු නාවික හමු­දාවේ ‘PNS SAIF යුද නෞකාව සහ රුසි­යානු නාවික හමු­දාවේ ‘GREMY ASCHCHY යන යුද නෞකා අට 2025 නොවැ­ම්බර් 27වැනි දින වන විට දිව­යි­නට ළඟා විය.

අන­පේ­ක්‍ෂි­තව, දිව­යි­නට බලපෑ අය­හ­පත් කාල­ගු­ණය හමුවේ ඇති වූ ජාතික ආපදා තත්ත්වය මත, දිව­යින පුරා ක්‍රියා­ත්මක කෙරුණු ආපදා සහන මෙහෙ­යු­මට ශක්ති­යක් වෙමින්, දිව­යි­නට පැමිණි මේ යුද නෞකා වෙතින් මානු­ෂීය ආධාර ලබා­දීම සිදු කෙරිණි. ඉන්දීය නාවික හමු­දාවේ INS VIKRANT ගුවන් යානා ප්‍රවා­හන නෞකාව වෙතින් සහ පාකි­ස්තානු නාවික හමු­දාවේ ‘PNS SAIF යුද නෞකාව වෙතින් හෙළි­කො­ප්ටර් යානා යොද­ව­මින්, ආප­දා­වට පත් පුද්ග­ල­යන් සෙවීමේ හා මුදා ගැනීමේ මෙහෙ­යු­ම්ව­ලට දායක විය.

ඒ ඒ රාජ්‍ය­යන් නියෝ­ජ­නය කර­මින් පැමිණි යුද නෞකා ප්‍රෞඪ නාවික හමුදා සම්ප්‍ර­දා­යන් පිළි­බිඹු කර­මින්, ශ්‍රී ලංකා­ව­ටත්, ශ්‍රී ලංකා නාවික හමු­දා­ව­ටත් ගෞරව දක්ව­මින්, යුද නෞකා නිරී­ක්ෂ­ණ­යක් සඳහා සහ­භාගි වූවා පම­ණක් නොව, යුද නෞකා නිරී­ක්ෂ­ණය සාගර කලා­පයේ සාම්ප්‍ර­දා­යික නොවන සමු­ද්‍රීය අභි­යෝග මෙන්ම, කාල­ගු­ණික විප­ර්යාස හේතු­වෙන් ඇති­වන ස්වභා­වික ආපදා අව­ස්ථා­ව­න්හිදී, සාමූ­හික ප්‍රවේ­ශ­ය­කින් කට­යුතු කිරීම සඳහා අවශ්‍ය සහ­යෝ­ගී­තා­වය සහ හවු­ල්කා­රී­ත්වය තව­දු­ර­ටත් ශක්ති­මත්ව වර්ධ­නය කෙරුණු සුවි­ශේෂී අව­ස්ථා­වක් බව ශ්‍රී ලංකා නාවික හමු­දාව සඳ­හන් කරයි.

ශ්‍රී ලංකාවේ, බංග්ලා­දේශ, ඉන්දීය, ඉරාන, මාල­දි­ව­යින්, මැලේ­සියා, පාකි­ස්තානු සහ රුසි­යානු මහ­කො­ම­සා­රිස් කාර්යාල සහ තානා­පති කාර්යාල නියෝ­ජ­නය කර­මින් රාජ්‍ය­තා­න්ත්‍රික නිල­ධා­රීන් පිරි­සක් එක් වූ අතර, ශ්‍රී ලංකාවේ ඇති වූ ජාතික ආපදා තත්ත්වය හමුවේ ක්‍රියා­ත්මක කෙරුණු මානු­ෂීය ආධාර හා ආපදා සහන මෙහෙ­යු­ම්ව­ලට දැක්වූ සහ­යෝ­ගය සම්බ­න්ධ­යෙන් එහිදී අග­මැ­ති­නිය විසින් රාජ්‍ය­තා­න්ත්‍රික නිල­ධා­රින් වෙත ප්‍රණා­මය පළ කරනු ලැබු­වාය.