බලශක්ති අමාත්ය කුමාර ජයකොඩිගේ ඉල්ලා අස්වීම කැමැත්තෙන් පිළිගත්තත්, එය ප්රමාද වැඩි බව ශ්රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්රී නාමල් රාජපක්ෂ X සටහනක් තබම්න් පැවසීය.
ඔහුගේ විශ්වාසභංග යෝජනාව විවාද කිරීමට පාර්ලිමේන්තුව මුළු දවසක්ම ගත කළ අතර, සියලුම ජාතික ජන බලවේගයේ මන්ත්රීවරුන්ට එයට විරුද්ධව ඡන්දය දීමට පමණක් හැකි වීමෙන් පෙන්නුම් කළේ ඔවුන් ඔහුට එරෙහි දූෂණ චෝදනා නොසලකා හැර සහාය දුන් බව යැයි ද රාජපක්ෂ මහතා පවසයි.
“ගල් අඟුරු වංචාව දැනටමත් ජාතියට මිලියන ගණනක් අහිමි කර ඇත. අමාත්යවරයාගේ ඉල්ලා අස්වීම සිදුවුනත් සිදුවූ පාඩුවට කරන්නේ කුමක්ද යන්න අපැහැදිලිය. අවසාන වශයෙන්, මෙම දැවැන්ත වංචාවේ බර දරන්නේ පාරිභෝගිකයාය. ඉල්ලා අස්වීමකින් සැබවින්ම වන්දි ගෙවිය හැකිද යන්න ගැටළුවකි.
ඔහුගේ අතීත දූෂණ චෝදනා තිබියදීත්,කුමාර ජයකොඩි මහතාට මෙතරම් බලවත් අමාත්යාංශයකට පත් කිරීමේ වගකීම ජනාධිපති අනුර කුමාර දිසානායක භාර ගත යුතුය’ යනුවෙන් ද නාමල් රාජපක්ෂ මහතා කියයි