ඉන්දියන් සාගර කලාපය තුළ සිය මෙහෙයුම් ජාලය ව්යාප්ත කිරීමේ උපායමාර්ගික පියවරක් ලෙස, හම්බන්තොට ජාත්යන්තර වරායේ සැලකිය යුතු කොටස් ප්රමාණයක් මිලදී ගැනීමට ලොව ප්රමුඛතම බහාලුම් ප්රවාහන සමාගමක් වන Mediterranean Shipping Co. (MSC) සාකච්ඡා ආරම්භ කර තිබේ.
‘Journal of Commerce’ වාර්තාවක් උපුටා දක්වමින් විදෙස් මාධ්ය වාර්තා කරන්නේ, MSC සමාගම කලාපය තුළ සිය මධ්යස්ථාන කටයුතු ප්රතිසංවිධානය කිරීමේ පුළුල් සැලසුමක කොටසක් ලෙස හම්බන්තොට වරාය කෙරෙහි අවධානය යොමු කර ඇති බවයි.
මෙම ආයෝජනය සම්බන්ධයෙන් MSC සමාගම, හම්බන්තොට වරායේ වත්මන් ප්රධාන කොටස්කරු වන චීන මර්චන්ට්ස් පෝර්ට් හෝල්ඩින්ග්ස් (CMPort) සමාගම සහ ශ්රී ලංකා බලධාරීන් සමඟ මේ වන විටත් සාකච්ඡා පවත්වමින් සිටින බව සඳහන් වේ.
දැනට පවතින හිමිකාරීත්වය අනුව හම්බන්තොට ජාත්යන්තර වරායේ 85% ක කොටස් චීන මර්චන්ට්ස් පෝර්ට් හෝල්ඩින්ග්ස් සමාගම සතු වන අතර, ඉතිරි 15% ක කොටස් ශ්රී ලංකා වරාය අධිකාරිය සතු වේ.
MSC සමාගම මිලදී ගැනීමට අපේක්ෂා කරන කොටස් ප්රමාණය, ආයෝජනයේ වටිනාකම හෝ එහි ව්යුහය පිළිබඳ මෙතෙක් නිල වශයෙන් කරුණු අනාවරණය කර නොමැත.
මෙම ගනුදෙනුව සාර්ථක වුවහොත් එය ඉන්දියන් සාගර කලාපයේ වරාය යටිතල පහසුකම් සම්බන්ධයෙන් MSC සමාගම අනුගමනය කරන උපායමාර්ගික වෙනසක සන්ධිස්ථානයක් වනු ඇතැයි ක්ෂේත්ර විශේෂඥයෝ පෙන්වා දෙති.
දෙපාර්ශවය අතර සාකච්ඡා තවදුරටත් ක්රියාත්මක වෙමින් පවතින අතර, නුදුරු අනාගතයේදී මේ පිළිබඳ නිල නිවේදනයක් නිකුත් වනු ඇතැයි අපේක්ෂා කෙරේ.
කෙසේ වෙතත්, අවසන් එකඟතාවයකට පැමිණෙන දිනයක් හෝ නියාමන කොන්දේසි පිළිබඳව මෙතෙක් නිශ්චිත තොරතුරු වාර්තා වී නොමැත.