අභාවප්රාප්තවූ හිටපු රාජ්ය අමාත්ය සනත් නිශාන්තගේ අවමඟුලට සහභාගිවී ආපසු පැමිණෙමින් සිටි මාවතගම පොහොට්ටුවේ සංවිධායක කමල් පෙරේරා ගමන් ගත් කැබ් රථය පසුගිය 28දා රාත්රියේ කුරුණෑගල තිත්තවැල්ල ප්රදේශයේ දී තවත් මෝටර් රථයක හැපී අනතුරක් සිදුවූ බව කුරුණෑගල මූලස්ථාන පොලිසිය පවසනවා. කුරුණෑගල දෙසට ගමන් කරමින් තිබූ කමල් පෙරේරා මහතාට අයත් කැබ් රථය කුරුණෑගල සිට වාරියපොළ දෙසට ගමන් කරමින් තිබූ මෝටර් රථයක ගැටී ඇති බවයි පොලිසිය කියන්නේ.
අනතුරෙන් රථ දෙකටම සුළු හානි සිදුව තිබුණද කිසිවෙකුටත් තුවාල සිදුව නැහැ.
අනතුරට සම්බන්ධ කමල් පෙරේරා මහතාගේ රථය පැදවූ රියැදුරා බීමත්ව රිය පැදවීමේ චෝදනාව යටතේ සැකපිට අත්අඩංගුවට ගෙන තිබෙනවා.
රක්ෂාවරණ යටතේ අනතුරෙන් රථවලට සිදුව ඇති හානි පියවා ගැනීම සඳහා දෙපාර්ශ්වම එකඟතාවකට පැමිණි බවද පොලිසිය සඳහන් කරනවා.