ඉහළ ගුණාත්මකභාවයෙන් යුතු ටෙලි නාට්‍ය මිල දී ගැනීම සඳහා ස්වාධීන රූපවාහිනී සේවය තීරණය කර තිබෙනවා. ඒ අනුව ටෙලි නාට්‍ය නිෂ්පාදකයින්ට සහ නිර්මාණවේදීන්ට සිය නිර්මාණ කඩිනමින් ස්වාධීන රූපවාහිනී සේවය වෙත ඉදිරිපත් කරන ලෙස එම ආයතනය ඉල්ලීමක් කරනවා.
මෙහි දී නිසි ක්‍රමවේදයක් සහිත පැහැදිලි ඇගයුම් ක්‍රියාවලියක් ඔස්සේ තෝරා ගන්නා ටෙලි නිර්මාණ ස්වාධීන රූපවාහිනී සේවයේ රූපවාහිනී සහ ඩිජිටල් අවකාශයේ විකාශනය කිරීමට කටයුතු කරන බව ස්වාධීන රූපවාහිනී සේවය පවසනවා. මේ පිළිබඳ වැඩිදුර තොරතුරු ලේකම්, මිල දී ගැනීම් කමිටුව, ස්වාධින රූපවාහිනී මාධ්‍ය ජාලය, වික්‍රමසිංහපුර, බත්තරමුල්ල ලිපිනයෙන් හෝ 076691 3863 දුරකතන අංකයෙන් ලබාගත හැකි බවයි කියන්නේ.