මෙරට මාසිකව සිදු වන්නට නියමිත ඉන්ධන මිල සංශෝධනය අද මධ්‍යම රාත්‍රියේ සිදුවීමට නියමිතව තිබෙනවා.
මේ වන විට ලෝක වෙළදපොළේ බොරතෙල් මිල ගණන් ද පහළ ගොස් ඇති බව පසුගිය දිනයන්හි වාර්තා වුණා.
ඒ අනුව, ඩබ්ලිව්. ටී. අයි. වර්ගයේ බොරතෙල් බැරලයක මිල 1.43%කින් පහළ ගොස් තිබිණ.
ඒ අනුව මේ වනවිට එම තෙල් බැරලයක මිල සටහන් වන්නේ ඩොලර් 77.16ක් ලෙසයි.
එමෙන්ම බ්‍රෙන්ට් වර්ගයේ බොරතෙල් බැරලයක මිල ඩොලර් 81.13ක් ලෙස දැක්වෙන අතර, එය 1.51%ක පහළ යෑමකි.
ලෝක වෙළඳ පොළේ ඉන්ධන මිල ගණන් මෙලෙස දිගින් දිගටම පහලයෑම මෙරට ඉන්ධන මිල ගණන් අඩුවීමට ප්‍රධාන හේතුවක් ද වනවා.
බොරතෙල් මිල ගණන් පහල යෑම සහ මැතිවරණයක් ප්‍රකාශයට පත්වී ඇති මොහොතක අද මාධ්‍යම රාත්‍රියේ සිදුවීමට නියමිත ඉන්ධන මිල මෙරට ජනතාවට දැනෙන බලපෑමකින් අඩු කෙරෙනු ඇතැයි බොහෝ විද්වතුන්ගේ මතයයි.