කෙටි කලක් තුළ අතාර්කික ලෙස අති විශාල වත්කම් ප්රමාණයක් උපයාගත් බවට චෝදනා ලද නිරූපණ ශිල්පී පියුමි හසංමාලි සැප්තැම්බර් මස 20 වැනිදා දක්වා අත් අඩංගුවට නොගන්නා බව නීතිපතිවරයා අද (15) අභියාචනාධිකරණය වෙත දන්වා සිටියේය.
නීතිපතිවරයා වෙනුවෙන් පෙනී සිටි නියෝජ්ය සොලිස්ටර් ජෙනරාල්වරයා අධිකරණයට දන්වා සිටියේ, විමර්ශන කටයුතු අවසන් වනතුරු පෙත්සම්කාරිය අත්අඩංගුවට ගැනීමක් නොකරන බවය.
රහස් පොලිසියේ නීති විරෝධී වත්කම් විමර්ශන කොට්ඨාසය තමන්ට එරෙහි විමර්ශන වලක්වන මැන්ඩා මූස් රීට් ආඥාවක් පොලිස්පතිවරයා ඇතුළු විමර්ශන නිලධාරීන්ට නිකුත් කරන ලෙස ඉල්ලා පියුමි හංසමාලි විසින් පැවරූ පෙත්සම විභාගය සදහා අද කැඳවූ අවස්ථාවේදී නීතිපතිවරයා අධිකරණයට මේ බව දන්වා සිටියේය.
එහෙත් පියුමි හංසමාලිට එරෙහි විමර්ශන බාධාවකින් තොරව සිදු කරගෙන යෑමට හැකි බව ආචනාධිකරණය රහස් පොලිසියට දන්වා සිටියේය.
ඒ අනුව පෙත්සම වැඩිදුර සලකා බැලීම සඳහා සැප්තැම්බර් මස 20 වන දා කැඳවීමටද දින නියම වුණි.