හිටපු ජනාධිපති රනිල් වික්රමසිංහ මහතාගේ බ්රිතාන්ය සංචාරය සම්බන්ධයෙන් රජය පවත්වන විමර්ශන සඳහා වැය කරන අධික පිරිවැය පිළිබඳව එක්සත් ජාතික පක්ෂය (UNP) ප්රශ්න කර සිටියි.
එහිදී එම පක්ෂය චෝදනා කරන්නේ, හිටපු රාජ්ය නිලධාරියෙකු වන අරුණ ප්රනාන්දු නමැත්තෙකුට සාක්ෂි ලබාදීම වෙනුවෙන් පමණක් බ්රිතාන්ය පවුම් (£) 650ක මුදලක් ගෙවා ඇති බවයි. ඊට අමතරව මෙම විමර්ශන කටයුතු සඳහා පොලිස් නිලධාරීන් පස් දෙනෙකු විශාල පිරිවැයක් දරමින් ලන්ඩන් නුවර වෙත යවා ඇති බවද පක්ෂය පෙන්වා දෙයි.
මෙම පොලිස් නිලධාරීන්ගේ සංචාරය වෙනුවෙන් රජය වැය කළ මුළු මුදල කොපමණදැයි දැනගැනීම සඳහා තොරතුරු දැනගැනීමේ අයිතිවාසිකම් පනත (RTI) යටතේ මීට මාස පහකට පෙර ඉල්ලීම් ඉදිරිපත් කළද, රජය මෙතෙක් ඒ පිළිබඳ කිසිදු තොරතුරක් හෙළිදරව් කර නොමැති බවද එක්සත් ජාතික පක්ෂය වැඩිදුරටත් ප්රකාශ කරයි.