අනියම් සම්බන්දතා නිසා ඇතිවන පවුල් ආරවුල් ඉකුත් වර්ෂයේ දි (2023) දස දහස්,හාරසිය අටක් (10408) වාර්තාවි ඇති බැව් ශ්‍රි ලංකා පොලිසිය විසින් 2023 වර්ෂයට අදාලව නිකුත්කොට ඇති කාර්ය සාධන වාර්තාවේ සඳහන් වේ.
2022 වර්ෂයේ දී මෙරට අනියම් සම්බන්ධතා නිසා ඇතිවුන පවුල් ආරවුල් 9636ක් වාර්තා වි තිබුණි. ඒ අනුව 2022 වසරට වඩා 2023 වර්ෂයේ දි අනියම් සම්බන්දතා නිසා සිදුවි ඇති ආරවුල් සංඛ්‍යාව 772කින් වැඩිවි ඇත.
ඉකුත් වර්ෂයේ දී රටේ සමස්ථ පවුල් ආරවුල් එක්ලක්ෂ, දහතුන් දහස් එකසිය අසු අටක් (113188) වාර්තා වි ඇත. 2022 වර්ෂයේ දි පවුල් ආරවුල් එක් ලක්ෂ, එකොළොස් දහස්, හත්සිය නවයක් (111709) වාර්තා වි තිබුණි. 2022 වසරට සාපේක්ෂව 2023 වර්ෂයේ දි පවුල් ආරවුල් 1479කින් වැඩිවී තිබෙන බව පෙනී ගොස් ඇත.
එමෙන්ම පුරුෂයාගෙන් හෝ භාර්යාවගෙන් හිරිහැරවීම නොසැලකිම, ගෘහස්ත ප්‍රචණ්ඩත්වය සම්බන්ධයෙන් 2023 වර්ෂයේ දි පැමිණිලි විසිදෙදහස් පන්සිය අසුහතරක් (22584) ක් වාර්තා වි ඇත. ඒ අනුව 2022 වර්ෂයට සාපේක්ෂව, 2023 වර්ෂයේ දි අනියම් සම්බන්දතා, පවුල් ආරවුල්, ගෘහස්ත ප්‍රචණ්ඩත්වය සම්බන්ධ පැමිණිලි වැඩිවි තිබේ. මෙම පැමිණිලි වලින් සියයට 90කට වඩා වැඩි සංඛ්‍යාවක් විසඳා ඇති බවද මෙම වාර්තාවේ සදහන් වේ.
අනියම් සම්බන්දතා නිසා ඇතිවන පවුල් ආරවුල් ඉහළයාම සම්බන්දයෙන් ගාල්ල කරාපිටිය ශික්ෂණ රෝහලේ මානසික රෝග පිළිබද විශේෂඥ වෛද්‍ය රූමි රූබන්ගෙන් අප කළ විමසුමක දී ඔහු මෙසේ කිවේය.
විවාහක පවුල් සංස්ථාවෙන් බාහිරව විවිධ හේතු නිසා අනියම් සම්බන්දතා ඇතිකරගන්නවා. අතැම් විට එක් කාන්තාවකගෙන් හෝ පිරිමියකුගෙන් සෑහිමට පත්විමට බැරිව ලිංගික ආසාව නිසාම අනියම් සම්බන්ධතා ඇති කරගන්නවා. තවත් සමහරු පවුල් සංස්ථාවය තුළ ඇතිවන ගැටළු හා ආදරය නොමැතිවිම නිසා අනියම් සම්බන්ධතා ඇතිකරගන්නවා. මෙම අවස්ථා දෙක තුළදීම පවුල් සංස්ථාව තුළ නොයෙකුත් ගැටුම් ඇතිවෙන්න පුළුවන්.
තමන් අකමැති අයෙකු සමග ජීවත්විමත් මානසික පිඩනයක් තමන් කැමති කෙනෙක් වෙනත් අයකු සමග අනියම් සම්බන්ධතාවයක් ඇති කරගැනිමත් මානසික පිඩනයක්. මේ නිසා මානසිකව වැටෙන්න පුළුවන්. දියවැඩියාව හෘද රෝගි තත්ත්වයන් ඇතිවෙන්න පුළුවන්.
මෙම පවුල්වල තියෙන ගැටුම් සමාජයට බලපාන්න පුළුවන්. පවුල් සංස්ථාව තුළ ආදරයක් නැතිනම් එකිනෙකාට සැලකීමක් නැතිනම් පළමුව උත්සාහ කරන්න ඕන එම පුද්ගල සම්බන්දතාවය වර්ධනය කරගන්න. වර්ධනය කරගැනිමට හැකියාවක් නැතිනම් හොඳම දේ තමයි වෙන්ව ජිවත්විම.