මිල දර්ශකවල කැපීපෙනෙන වර්ධනයක් අත් කර ගැනීමට කොළඹ කොටස් වෙළෙඳපොළ ඊයේ (11) සමත්ව තිබේ.
ඒ අනුව කොළඹ කොටස් වෙළෙඳපොළ සියලු කොටස් මිල දර්ශක අගය ඊයේ දිනයේදී ඉතිහාසයේ ඉහළම සන්ධිස්ථානයක නැවත වරක් අලුත් කිරීමට සමත්ව තිබේ.
පෙරේදා (10) වාර්තා වී තිබුණු ඒකක 13,774.96 සීමාව තවත් ඒකක 110.13කින් අබිබවා ගොස් තිබෙන බව ද ඒ අනුව ඊයේ දින ගනුදෙනු අවසානයේදී සියලු කොටස් මිල දර්ශකය ඒකක 13,885.09ක් ලෙසින් මෙතෙක් ඉතිහාසයේ ඉහළම අගය සනිටුහන් කිරීමට සමත්ව තිබිණි.
මේ අතර S&P SL20 දර්ශකය ඒකක 29.87කින් ඉහළ ගොස් ඒකක 4,143.29ක් ලෙසින් දිනය අවසානයේදී වාර්තා විය. ඒ අනුව දෛනික ගනුදෙනු අවසානයේදී රුපියල් බිලියන 6ක ගනුදෙනු පිරිවැටුමක් වාර්තා වීම ද විශේෂත්වයකි.