නිලධාරින් හා අනෙකුත් අවශ්යතා සම්පූර්ණ වූ පසු හෙට (21) ප.ව. 7.00ට පමණ ඡන්ද ගණන් කිරීම මධ්යස්ථානවල ගණන්කිරීම් කටයුතු ආරම්භ කරන බව මැතිවරණ කොමිසමේ සභාපති ආර්.එම්.ඒ.එල්. රත්නායක පවසනවා. 2024 ජනාධිපතිවරණ ඡන්ද විමසීම සම්බන්ධයෙන් ඊයේ (19) රජයේ ප්රවෘත්ති දෙපාර්තමේන්තුවේ දී පැවති මාධ්ය හමුවේ දී ඔහු කියා සිටියේ, තැපැල් ඡන්ද ගණන් කිරීම හෙට ප.ව. 4.15ට පමණ ආරම්භ කිරීමට කටයුතු කර ඇති බවයි.
“21 වනදා ඡන්ද මධ්යස්ථානවලින් ඡන්ද පෙට්ටි ලැබීමෙන් අනතුරුව නිලධාරින් හා අනෙකුත් අවශ්යතා සම්පූර්ණ වූ පසු ප.ව. 7.00ට පමණ දිස්ත්රික්කවල ඒ ඒ ගණන් කිරීමේ මධ්යස්ථානවල ගණන්කිරීම ආරම්භ වෙනවා. තැපැල් ඡන්දගණන් කිරීම ප.ව. 4.15ට පමණ ආරම්භ කිරීමට දැනට කටයුතු කරලා තිබෙනවා. ඒ වගේම ගණන් කිරීම කටයුතු සිදුවන්නේ දිස්ත්රික් මට්ටමින් එක් එක් පරිශ්ර තුළ.
ගණන් කිරීම අවසානයේ අදාළ ප්රතිඵල ලැබුණු විගස ඒවා මාධ්යට ලබාදීමට සියලු කටයුතු යොදලා තිබෙන්නේ.
පළමුව ඡන්ද පෙට්ටිවල තිබෙන ඡන්ද ප්රමාණය ගණනය කිරීම සිදුවෙනවා. ඉන් පසු එක් එක් අපේක්ෂකයාට ලැබී තිබෙන ඡන්ද ප්රමාණය ගණනය කරලා, එය ඡන්ද ප්රදේශ මට්ටමින් හා දිස්ත්රික් මට්ටමින් සකස් කිරීම සිදුකරනවා. මැතිවරණ මහලේකම් කාර්යාලය තමයි සමස්ත ප්රතිඵලය ගණනය කරනු ලබන්නේ. කිසියම් අපේක්ෂකයෙකුට වලංගු ඡන්ද සංඛ්යාවෙන් සියයට 50ක් හෝ එකක් ලැබිලා තියෙනවාද කියලා බලනවා. එහෙම ලැබිලා තියෙනවානම් ඒ අවස්ථාවේ දී ඡන්ද ගණන් කිරීමේ කටයුතු අවසන් වෙනවා. අපි ජනාධිපතිවරයා ප්රකාශයට පත්කරනවා” යි මැතිවරණ කොමිසමේ සභාපති ආර්.එම්.ඒ.එල්. රත්නායක කියනවා.