හංවැල්ල පොලිස් වසමේ ඇඹුල්ගම ප්රදේශයේ බලපත්ර නොමැතිව ඩීසල් ලීටර් 645ක් සන්තකයේ තබාගෙන සිටි පුද්ගලයකු ඉකුත්දා (20) අත්අඩංගුවට ගත් බව හංවැල්ල පොලීසිය පැවසීය.
පොලීසිය පැවසුවේ, හංවැල්ල පොලිස් ස්ථානයේ ප්රධාන පොලිස් පරීක්ෂක නාදෙනිය මහතාට පෞද්ගලික ඔත්තුකරුවකුගෙන් ලද තොරතුරක් මත, ඇඹුල්ගම ප්රදේශයේ නිවෙසක අලෙවි කිරීම සඳහා කෑන් 32ක අසුරා තිබූ මෙම ඩීසල් ලීටර් 645 සමඟ සැකකරු අත්අඩංගුවට ගැනීමට හැකි වූ බවයි. සැකකරුගෙන් වැඩිදුරටත් ප්රශ්න කිරීමේදී අවශ්ය පුද්ගලයන්ට වැඩි මිලට අලෙවි කිරීම සඳහා මෙම ඉන්ධන තොගය රැස් කරගෙන සිටි බව පොලීසිය තහවුරු කරගෙන ඇත.