ඉන්ධන ගනුදෙනු සඳහා අවසර ලබා දෙමින් අමෙරිකානු මහා භාණ්ඩාගාරය මැයි 16 වැනිදා දක්වා ලබා දී ඇති නිදහස් කිරීමක් (waiver) ප්රයෝජනයට ගනිමින්, රුසියාවෙන් රජය මැදිහත්වන පදනමක් (G2G) යටතේ තෙල්, ගෑස්, ගල්අඟුරු සහ පොහොර මිලදී ගැනීමට ශ්රී ලංකාව තීරණය කර ඇත.
ඒ අනුව, අදාළ ඇණවුම් ලබා දීම සඳහා අදාළ සමාගම් සමඟ සාකච්ඡා කඩිනම් කරන ලෙස රුසියාවේ පිහිටි ශ්රී ලංකා තානාපති කාර්යාලයට උපදෙස් ලබා දී තිබේ.
විදේශ කටයුතු අමාත්ය විජිත හේරත් මහතා ‘සන්ඩේ ටයිම්ස්’ පුවත්පතට පවසා ඇත්තේ, තෙල්, පොහොර සහ ගල්අඟුරු වත්මන් ලෝක වෙළඳපල මිලට වඩා සහනදායී මිලකට මිලදී ගැනීමට මෙහිදී අවස්ථාව ලැබෙන බවයි. රුසියාවෙන් මෙලෙස මිලදී ගැනීම් සිදු කිරීම සම්බන්ධයෙන් මීට පෙරද සාකච්ඡා පැවැත්වුණද, කාලය සීමිත වීම හේතුවෙන් එම ගනුදෙනු සිදු කිරීමට නොහැකි වූ බව ඔහු වැඩිදුරටත් ප්රකාශ කළේය.
අමෙරිකා – ඉරාන ගැටුම පවතින කාලසීමාව තුළ ලෝක බලශක්ති මිල ස්ථාවරව පවත්වා ගැනීම අරමුණු කර ගනිමින්, රුසියානු තෙල් ගනුදෙනු සඳහා අවසර ලබා දෙන විශේෂ නිදහස් කිරීමක් 2026 මැයි 16 දක්වා දීර්ඝ කිරීමට අමෙරිකානු මහා භාණ්ඩාගාරය පියවර ගෙන ඇත.
රුසියානු සෞඛ්ය අමාත්යවරයා මැයි 4 වැනිදා ශ්රී ලංකාවට පැමිණීමට නියමිත අතර, ශ්රී ලංකා සෞඛ්ය අමාත්යවරයා මැයි මස මැද භාගයේදී රුසියාව බලා යාමට නියමිතව තිබේ.
ලෝක වෙළඳපල මිල ගණන් සහ රක්ෂණ වාරික (insurance premiums) ඉහළ යාම හමුවේ ශ්රී ලංකාව තවදුරටත් ඉහළ මිල ගණන් යටතේ ඉන්ධන මිලදී ගනිමින් සිටින පසුබිමක මෙම නව පියවරයන් ගෙන ඇත.
Source – whatnews.lk/