හිටපු කථානායක චමල් රාජපක්ෂ මහතාගේ තිස්සමහාරාම, දෙබරවැව, සේනපුර ප්රදේශයේ නිෙවසට ඇතුළු වූ සොරකු එහි තිබූ රුපියල් 55000ක් වටිනා වී මලු 15ක් සහ විදෙස් රටකින් ගෙන්වන ලද විදුලි පංකාවක් සොරාගෙන ගොස් ඇතැයි තිස්සමහාරාම පොලීසිය පැවසීය.
හිටපු ජනාධිපති මහින්ද රාජපක්ෂ මහතා අල්ලස් කොමිසමට ප්රකාශයක් ලබාදීමට ගිය ඉකුත් 12දා උදෑසන හිටපු කථානායකවරයා තවත් පිරිසක් සමඟ කොළඹ ගොස් සිටියදී මේ සොරකම කර ඇතැයි පොලීසිය පැවසීය.
හිටපු කථානායකවරයාගේ නිෙවසේ මුරකරු ලෙස කටයුතු කළ තිස්සමහාරාම, දෙබරවැව, ගඟසිරිපුර ප්රදේශයේ පදිංචි විකුම් අමරවීර මහතා ඉකුත් 15දා උදෑසන සිද්ධිය පිළිබඳ තිස්සමහාරාම පොලීසියට පැමිණිලි කර ඇත.
ඔහු ඉකුත් 13දා පාන්දර මිදුල අතුගානවිට නිෙවසේ ජනේලයක් විවෘතව ඇති බව දැක කිරි මහත්තයා නමැති අයකු සමඟ එක්ව සොයා බැලීමේදී සොරකම සිදුකර ඇති බවට දැනගත් බව ඔහු පොලීසියට පවසා ඇත.
හිටපු කථානායකවරයාගේ රියැදුරු නවාතැන් ගන්නා කාමරයේ තිබූ විදුලි පංකාව එහි නොතිබූ බවත් වී ගබඩාවේ තිබූ වී මලු 15ක් නොමැති බවත් ඔහු පවසා ඇත. මොහු වසර 4 ක පමණ කාලයක සිට චමල් රාජපක්ෂ මහතාගේ නිෙවසේ මුරකරු ලෙස කටයුතු කරන බව ද ඔහුගේ පැමිණිල්ලේ සඳහන් වේ.
ජනේලය විවෘතව තැබූ ස්ථානයේ බිම වැටී තිබී රාජ්ය බැංකුවක ගිණුම් පොතක් හමුවී ඇති අතර එය තිස්සමහාරාම, ටිකිරි උදානගම පදිංචි 38 හැවිරිදි අයකුගේ බවට සොයාගෙන ඇති අතර එම පුද්ගලයා මේ සොරකම සිදුකරන්නට ඇතැයි සැක කරන බව ද පැමිණිලිකරු පොලීසියට පවසා තිබේ.