කටුනායක බණ්ඩාරනායක ජාත්යන්තර ගුවන් තොටුපළේ පවතින දැඩි මගී තදබදයට කඩිනම් විසඳුමක් ලෙස, එහි පැරණි පළමු පර්යන්තය රුපියල් බිලියන 15ක වියදමකින් මුළුමනින්ම නවීකරණය කිරීමේ මහා ව්යාපෘතියක් රජය විසින් ආරම්භ කර තිබෙනවා.
මෙම ව්යාපෘතියේ ඇති සුවිශේෂීම කරුණ වන්නේ විදේශීය ණය මත යැපීමකින් තොරව, සම්පූර්ණයෙන්ම දේශීය රාජ්ය ප්රතිපාදන සහ අරමුදල්වලින් පමණක් මෙයට මුදල් වෙන් කර තිබීමයි.
වරාය හා සිවිල් ගුවන් සේවා නියෝජ්ය අමාත්ය ජනිත රුවන් කොඩිතුවක්කු මහතා පෙන්වා දෙන්නේ ජපාන ආධාර මත ක්රියාත්මක දෙවැනි පර්යන්තයේ වැඩ අවසන් වීමට තවත් වසර කිහිපයක් ගතවන බැවින්, වත්මන් සංචාරක පිබිදීමට මුහුණ දීම සඳහා මෙම පියවර ගත් බවයි.
ගුවන් තොටුපළේ පවතින ක්ෂණික තදබදය පාලනය කිරීම සඳහා දැනටමත් පුද්ගලික අංශයේ දායකත්වයෙන් විශේෂ තාවකාලික මණ්ඩපයක් (Marquee) ඉදිකර ඇති අතර, ඒ හරහා අතිරේක චෙක්-ඉන් කවුන්ටර 14ක් ස්ථාපිත කර තිබෙනවා.
එමගින් දිනකට අමතර ගුවන් යානා වාර 10ත් 20ත් අතර ප්රමාණයක් හැසිරවීමේ හැකියාව ලැබී ඇති බව සඳහන්.
ස්ථාවර නවීකරණ සැලැස්ම යටතේ මගීන් පිටත්වීමේ ප්රධාන ශාලාව විශාල කිරීම, ආරක්ෂක සහ ආගමන විගමන කවුන්ටරවල දිගු පෝලිම් නැති කිරීම, මගීන් පැමිණීමේ අංශය ප්රතිනිර්මාණය කිරීම සහ බෑගෑන් හැසිරවීමේ පද්ධති නවීකරණය කිරීම සිදු කෙරෙනවා.
මෙම නවීකරණය හරහා පළමු පර්යන්තයේ වාර්ෂික මගී ධාරිතාව මිලියන 6 සිට මිලියන 10 දක්වා ඉහළ යනු ඇති අතර, එය ශ්රී ලංකාව කලාපීය ගුවන් සේවා කේන්ද්රස්ථානයක් ලෙස රඳවා තබා ගැනීමට ඉවහල් වනු ඇති බවයි සඳහන් වන්නේ .