පාර්ලිමේන්තු මන්ත්රී ඩිලාන් පෙරේරා ගමන්ගත් මෝටර් රථය අනතුරකට ලක්වී තිබේ.
මන්ත්රීවරයා අද (13) මතුගම පැවැත්වෙන රැස්වීමක් සඳහා යමින් සිටියදී දක්ෂිණ අධිවේගී මාර්ගයේ 82/1 කිලෝමීටර් කණුව ආසන්නයේදී මෙම සිද්ධියට මුහුණ දී ඇත.
ඩිලාන් පෙරේරා සමග ගමන්ගත් අයෙක් අනතුරෙන් තුවාල ලබා තිබේ.
අධික වර්ෂාවත් සමග මෝටර් රථය ලිස්සා ගොස් අධිවේගී මාර්ගයේ ආරක්ෂිත වැටේ ගැටීමෙන් අනතුර සිදුවී තිබුණි.
මේ අතර හිටපු අමාත්ය රිෂාඩ් බදියුදීන් ගමන් ගත් සුඛෝපභෝගි ජීප් රථය අනතුරකට ලක්ව තිබෙනවා.
කරුවලගස්වැවදී අද (13) දහවල් මෙම අනතුර සිදුව ඇති බවයි වාර්තා වන්නේ.
අදාළ අනතුර හේතුවෙන් මන්ත්රිවරයාට හෝ එම වාහනයේ ගමන් ගත් කිසිවකුටත් අනතුරක් සිදුව නොමැති බවයි වාර්තා වන්නේ.
කෙසේ වෙතත් මෙම අනතුරින් යතුරුපැදිකරු තුවාල ලබා ඇති අතර ඔහුව පුත්තලම මුලික රෝහලට ඇතුළත් කර තිබෙනවා.