රාවණාඇල්ලේ බස් රථ අනතුර සිවූ බවට යුද්ධ හමුදාවට ලැබුණු තොරතුරට අනුව රාත්රී 0920වන විට පළමු යුද්ධ හමුදා භට කණ්ඩායම අනතුර සිදුවූ ස්ථානය වෙත ළඟාවිය.
එම අවස්ථාවේදී එම ස්ථානයට විශාල පිරිසක් රැසීබසිට ඇති අතර එම පිරිස අතර සිටි තරුණයන් කණ්ඩායමකට නායකත්වය දෙමින් එක් විශේස බලකා ටී ෂර්ටයක් පැළද සිටි තරුණයෙකු අනතුරට පත් වූවවන් මුදාගැනීමේ නිරත වී සිට ඇත.
අනතුරට පත්වූ බස්රථය නැවතී තිබූ ස්ථානයට ඉහළින් තිබූ පුද්ගල මළසිරුරු හතරක් සහ තුවාලකරුවන් තිදෙනෙකු සිරවී තිබී ඇත.
සාමාන්ය පුද්ගලයෙකුට ළඟාවීමට තබා සිතන්නටවත් අපහසු එම ස්ථානයට ළඟා වී අදාළ මළසිරුරු සහ තුවාලකරුවටන් සියලු දෙනා තව ජීවිතය ගැන පවා නොසිතා ආරක්ෂිත ස්ථාන වෙත ඉහළ සිට පහළට රැගෙනවිත් ඇත්තේ මෙම තරුණයාය.
ඔහු තම ඇඟවටා ආධාරක කඹ පටලවා ගෙන තුවාලකරුවෙකු රැගෙන එන විට ගලක් වැදීමෙන් ඔහුගේ හිස දැඩි ලෙස තුවාල වී ඇත.
ඒ තුවාල වේදනාවද පසෙකලා ඔහු මෙම ගලවාගැනීමේ සහ මුදාගැනීමේ මෙහෙයුමට දායක වී ඇත.
පසුව ඔහුට මූලික ප්රතිකාර ලබාදී බදුල්ල රෝහලට ඇතුළත් කර ඇත.
පසුව අණාවරණය වූයේ ඔහු ශ්රී ලංකා යුද්ධ හමුදාවේ දෙවන විශේෂ බලකායට අයත් ලාන්ස් කෝප්රල් ඩබ්.එම්.වී. එම්. බණ්ඩාර බවයි.
ඔහු නිවාඩු ලබා සිය නිවසට පැමිණ සිටියදී මෙම අනතුර සිදුව ඇති අතර, තම නිවස අසළ සිදුවූ අනතුරෙන් අනතුරට පත්වූවන් බේරා ගැනීමට පැමිණ ඇත.
